سی ٹی ڈی کے ایک ماہ کے دوران بڑے آپریشن، را ایجنٹ سمیت 49 دہشت گرد گرفتار

لاہور (ڈیلی پاکستان آن لائن) دہشت گردی کے خدشات کے پیش نظر سی ٹی ڈی کے پنجاب کے مختلف شہروں میں ایک ماہ کے دوران 425 آئی بی اوز آپریشن کیے گئے، جن میں 49 دہشت گرد گرفتار کیے گئے۔

یہ بھی پڑھیں: ہر طالبعلم کے ہاتھ میں لیپ ٹاپ، ہر گاؤں میں انٹرنیٹ اور ہر ادارے میں ای فائلنگ سسٹم مشن ہے: وزیر اعلیٰ مریم نواز

آپریشنز کے مقامات

ترجمان سی ٹی ڈی کے مطابق کارروائیاں لاہور، راولپنڈی، جہلم، ٹوبہ ٹیک سنگھ، حافظ آباد، چکوال، گوجرانوالہ، ڈی جی خان، فیصل آباد، ساہیوال، چنیوٹ، پاکپتن، خوشاب، نارووال، سیالکوٹ، اٹک اور وہاڑی میں کی گئی۔

یہ بھی پڑھیں: پی آئی اے نے کینیڈا اور برطانیہ کے لیے ایک ہی ٹکٹ پر ہوائی اور ٹرین کے سفر کی سہولت فراہم کر دی

گرفتار دہشت گرد اور برآمدات

لاہور سے بھارتی دہشت گرد ایجنسی را کا ایجنٹ مجتبی گرفتار کیا گیا، جس کے قبضے سے بارودی مواد، اسلحہ، اور اہم عمارتوں کے نقشے برآمد کیے گئے۔ دیگر گرفتار دہشت گردوں سے دھماکا خیز مواد، 2 ہینڈ گرنیڈ، 6 ای آئی ڈی بم، 36 ڈیٹونیٹر، 38 فٹ حفاظتی فیوز وائر، پمفلٹ، نقدی، اور پرائمہ کارڈ برآمد کیے گئے۔ دہشت گردوں کی شناخت شوکت، نوید، عبدالرحمن، امجد خان، محمد شاہد، محمد ابرار، دانش خان، خلیل احمد، جمیل الرحمن، احسان اللہ، نادر، وقاص، حسنین، فاروق، جمشید، اور اولاد خان کے نام سے ہوئی۔ یہ دہشت گرد خوف و ہراس پھیلانے کے لیے مختلف مقامات پر کارروائیاں کرنے کا ارادہ رکھتے تھے۔

کومبنگ آپریشنز کی تفصیلات

حکام کے مطابق، ایک ماہ کے دوران 6131 کومبنگ آپریشنز کیے گئے، جن میں 599 مشتبہ افراد گرفتار کیے گئے۔ ان آپریشنز میں 243546 افراد سے پوچھ گچھ کی گئی۔