کراچی کے گل پلازہ میں آگ لگنے سے 6 افراد جاں بحق، 20 سے زائد زخمی، پلازے کا ایک حصہ گر گیا

کراچی میں آگ لگنے کا واقعہ

کراچی (ڈیلی پاکستان آن لائن) کی ایم اے جناح روڈ پر واقع گل پلازہ میں تیسرے درجے کی آگ لگنے کے نتیجے میں 6 افراد جاں بحق اور 20 سے زائد زخمی ہوگئے ہیں۔

یہ بھی پڑھیں: اختر مینگل نے لکپاس دھرنا ختم کرنے کا اعلان کر دیا

آگ لگنے کا وقت اور مقام

نجی ٹی وی چینل ہم نیوز کے مطابق، رات سوا 10 بجے کے قریب گل پلازہ کے گراؤنڈ فلور پر آگ لگی جو دیکھتے ہی دیکھتے تیسری منزل تک پہنچ گئی۔

یہ بھی پڑھیں: 750 روپے مالیت کے انعامی بانڈز کی قرعہ اندازی 15 اپریل کو ہو گی

جاں بحق اور زخمی افراد کی تفصیلات

عمارت کا ایک حصہ گر چکا ہے، فائربریگیڈ آگ بجھانے میں مصروف ہے۔ ریسکیو ذرائع کے مطابق، جاں بحق افراد کی تعداد 6 ہوگئی اور 20 سے زائد افراد زخمی ہیں۔ جاں بحق ہونے والوں میں 3 افراد جھلس کر اور 3 افراد دم گھٹنے سے وفات پا گئے ہیں。

یہ بھی پڑھیں: 26 نومبر احتجاج کے 2 مقدمات میں بشریٰ بی بی کی ضمانت میں 11 جون تک توسیع

ہسپتال کی رپورٹ

ہسپتال ذرائع کا کہنا ہے کہ 5 افراد کی حالت تشویش ناک ہے۔ جاں بحق ہونے والے 5 افراد میں سے 4 کی شناخت فراز، کاشف، عامر اور شہروز کے نام سے ہوئی ہے۔

یہ بھی پڑھیں: اسٹیٹ بینک نے کرنسی نوٹوں پر پین سے کوئی بھی تحریر لکھنے پر پابندی عائد کردی

آگ کی شدت اور نقصانات

آگ لگنے کی وجہ سے گراؤنڈ فلور کی تمام دکانیں جل گئی ہیں، جبکہ شاپنگ پلازہ میں 1000 سے زائد دکانیں موجود ہیں۔ ریسکیو حکام کا کہنا ہے کہ تنگ راستوں اور آتش گیر سامان کی موجودگی کے باعث آگ کی شدت میں اضافہ ہوا۔

ریسکیو آپریشن

20 سے زائد فائر بریگیڈ گاڑیاں، واٹر باؤزر اور سنارکلز آگ پر قابو پانے میں مصروف ہیں۔ عمارت کے پرانے ہونے کی وجہ سے گرنے کا خدشہ موجود ہے، لہذا ریسکیو آپریشن غیر معمولی احتیاط کے ساتھ جاری ہے۔