پارلیمانی سیکریٹری سنجےکمار پنجوانی کو ڈاکوؤں نے لوٹ لیا

ڈاکوؤں کی کارروائی

کوئٹہ (ڈیلی پاکستان آن لائن) رکن بلوچستان اسمبلی اور پارلیمانی سیکرٹری برائے اقلیتی امور سنجے کمار پنجوانی کو ڈاکوؤں نے لوٹ لیا۔

یہ بھی پڑھیں: سپریم کورٹ آئینی بنچ نے ججز ٹرانسفر کیس کا محفوظ فیصلہ سنا دیا

واقعہ کی تفصیلات

نجی ٹی وی سما نیوز کے مطابق، یہ واقعہ ضلع نصیرآباد میں تھانہ نوتال کی حدود میں پیش آیا۔ ڈاکو سنجے کمار اور ان کے ساتھیوں کے موبائل فونز اور قیمتی سامان لوٹ کر فرار ہو گئے۔

یہ بھی پڑھیں: اب کے جو نشیبوں میں پرواز ہماری ہے

سنجے کمار کا بیان

سنجے کمار کا کہنا تھا کہ وہ اقلیتی برادری کے افراد سے ملاقات اور مذہبی رسومات میں شرکت کے لیے گئے تھے۔ نوتال سے ایک سے دو کلومیٹر کے فاصلے پر مسلح افراد نے ہمیں روکا۔ سڑک کنارے ایک ویگن اور ایک گاڑی پہلے سے کھڑی تھی۔

یہ بھی پڑھیں: بیمار بچوں کی جگہ سکول میں پڑھنے والا روبوٹ تیار کر لیا گیا

ڈکیتی کا واقعہ

ڈاکوؤں نے گاڑی کو گھیر لیا اور اسلحے کے زور پر سامان کا مطالبہ کیا۔ میرے محافظوں نے مسلح افراد کے ساتھ ہاتھا پائی اور مزاحمت کی، مگر ممکنہ فائرنگ اور جانی نقصان کے خدشے کے پیش نظر محافظوں کو مزاحمت سے روک دیا۔ ڈاکوؤں کی تعداد 12 سے 15 کے قریب تھی۔

فائرنگ کا تبادلہ

ڈاکوؤں اور سیکیورٹی فورسز کے درمیان فائرنگ کا بھی تبادلہ ہوا، جس کے بعد وہ فرار ہوگئے۔