143 گیندوں پر 192 رنز، سری لنکن بلے باز نے انڈر 19 ورلڈ کپ میں نیا ریکارڈ قائم کر دیا

ویران چامودیتھا کا شاندار ریکارڈ

ہرارے(ڈیلی پاکستان آن لائن) سری لنکا کے بلے باز ویران چامودیتھا نے آئی سی سی انڈر 19 کرکٹ ورلڈ کپ 2026 میں نیا ریکارڈ قائم کر دیا۔

یہ بھی پڑھیں: نیوزی لینڈ نے ایف آئی ایچ پرو ہاکی لیگ سے دستبرداری کا باضابطہ اعلان کردیا

یادگار اننگز

ویران چامودیتھا نے نامیبیا کرکٹ گراؤنڈ میں جاپان کے خلاف میچ میں 143 گیندوں پر 192 رنز کی شاندار اننگز کھیلی، جو انڈر 19 ورلڈ کپ کی تاریخ کا سب سے بڑا انفرادی سکور ہے۔ ان کی یادگار اننگز میں 26 چوکے اور ایک چھکا شامل تھا۔

یہ بھی پڑھیں: راولپنڈی انسٹیٹیوٹ آف یورولوجی میں فعال ہونے والا گردوں کا ڈائلسز سینٹر مریضوں کے لیے کسی نعمت سے کم نہیں : حنیف عباسی

پرانا ریکارڈ توڑنا

اس اننگز کی بدولت ویران چامودیتھا نے اپنے ہی ہم وطن کھلاڑی ہسیتھ بویاگوڈا کا 2018 میں کینیا کے خلاف بنایا گیا 191 رنز کا ریکارڈ توڑ دیا۔

میچ کا نتیجہ

اس ریکارڈ ساز اوپننگ شراکت کی بدولت سری لنکا نے جاپان کے خلاف 387 رنز سکور کئے، جواب میں جاپان کی انڈر 19 کی ٹیم مقررہ 50 اوورز میں صرف 8 وکٹوں پر 184 رنز بنا سکی، یوں سری لنکا انڈر 19 ٹیم نے میچ 203 رنز سے جیت لیا۔