پاکستان سپر لیگ میں پلیئرز آکشن متعارف کرانے کا فیصلہ، ذرائع

پی ایس ایل کے آکشن اور ری ٹینشن کا فیصلہ

لاہور(ڈیلی پاکستان آن لائن) پاکستان سپر لیگ (پی ایس ایل) گورننگ کونسل کی ورکنگ کمیٹی نے آکشن ڈرافٹ اور ری ٹینشن کے معاملات پر بحث کے بعد پلئیرز آکشن متعارف کرانے کا فیصلہ کیا ہے۔

یہ بھی پڑھیں: 9مئی اور 26 نومبر کو ایک طرف رکھ کر معاملات آگے بڑھنے چاہئیں، قمر زمان کائرہ

اجلاس کی تفصیلات

روزنامہ جنگ کے مطابق ذرائع کا کہنا ہے کہ پی ایس ایل گورننگ کونسل کی ورکنگ کمیٹی کے رات گئے اجلاس میں پی ایس ایل 11 کے لیے کھلاڑیوں کی ری ٹینشن کے حوالے سے بھی فیصلہ ہوا۔

یہ بھی پڑھیں: پنجاب میں انٹرمیڈیٹ پارٹ 2 کے نتائج، طالبات بازی لے گئیں، پرائیویٹ کالجز میں پنجاب کالجز کی ٹاپ پوزیشنز کے حوالے سے برتری

حتمی منظوری

ورکنگ کمیٹی کے فیصلوں کی حتمی منظوری چئیرمین پی سی بی محسن نقوی دیں گے، جبکہ ضرورت پڑنے پر گورننگ کونسل کا اجلاس طلب کیا جا سکے گا۔

یہ بھی پڑھیں: پاکستان اور امریکہ کی سلامتی کیلئے مستقبل میں تعاون کے مزید مواقع تلاش کریں گے: امریکی قونصل جنرل کرسٹن ہاکنز

فرنچائزز کی رائے

ذرائع کا کہنا ہے کہ پی ایس ایل چیمپئین لاہور قلندرز نے پلئیرز آکشن کے حق میں ووٹ دیا۔ کوئٹہ گلیڈی ایٹرز، اسلام آباد یونائیٹڈ، کراچی کنگز اور حیدر آباد نے بھی آکشن کے حق میں ووٹ دیا، جبکہ پشاور زلمی اور سیالکوٹ نے ڈرا آکشن کے حق میں ووٹ دیا۔

یہ بھی پڑھیں: سندھ بزرگوں کو سہولتیں دینے والا پہلا صوبہ بن گیا

ری ٹینشن کے فیصلے

پانچ پرانی فرنچائزز نے چار ری ٹینشن پر اتفاق کیا، ان میں ایک برانڈ ایمبیسڈر ہو گا۔ ہر کٹیگری میں ایک ایک پلئیر کو نچلی کٹیگری میں لا کر برانڈ ایمبیسڈر بنایا جا سکے گا۔

یہ بھی پڑھیں: ملک بھر میں یوٹیلٹی اسٹورز کارپوریشن کا آپریشن مکمل طور پر بند

نئی فرنچائزز کی حکمت عملی

ذرائع کے مطابق، نئی فرنچائزز باقی پلئیرز پول سے اسی طرح کھلاڑیوں کا انتخاب کریں گی۔ دو نئی فرنچائزز نے زیرو ری ٹینشن پر زور دیا، جبکہ باقی پلئیرز پول کا آکشن ہوگا اور فرنچائزز کھلاڑی آکشن میں اٹھائیں گی۔

اگلا اعلان

ذرائع کا کہنا ہے کہ پی ایس ایل کے آکشن اور ری ٹینشن کا فارمولا چیئرمین محسن نقوی کو بھجوایا جائے گا اور اگلے ایک دو روز میں اس کا باقاعدہ اعلان ہوگا۔