گل پلازہ کے متاثرین کے نقصانات کا ازالہ ہوگا: ترجمان سندھ حکومت سعدیہ جاوید

گل پلازا میں آگ لگنے کا واقعہ

کراچی(ڈیلی پاکستان آن لائن)کراچی کے ایم اے جناح روڈ پر واقع گل پلازہ میں آگ لگنے کے واقعے پر ترجمان سندھ حکومت سعدیہ جاوید کا کہنا ہے کہ گل پلازا کی آگ بجھانا اولین ترجیح ہے 40 فیصد آگ پر قابو پالیا گیا ہے۔

یہ بھی پڑھیں: 1۔ 9 مئی مقدمات؛ عمرہ ادائیگی کے لیے گئے اسپیشل برانچ کے اہلکار نے حلف پر گواہی دینے سے انکار کردیا

فائر فائٹرز کی مشکلات

سعدیہ جاوید نے کہا کہ عمارت میں شدید تپش کے باعث فائر فائٹرز کو اندر جانے میں مشکلات پیش آرہی ہیں، فائر فائٹرز جاں فشانی سے کام میں مصروف ہیں۔

یہ بھی پڑھیں: مؤثر گلوکار بھارت میں دیوالی کے لائیو کنسرٹ میں سٹیج پر گر کر ہلاک

ریسکیو میں رکاوٹیں

انہوں نے کہا کہ عمارت میں کیمیکل اور پرفیوم شاپس بھی موجود ہیں جو ریسکیو میں رکاوٹ بن رہی ہیں، آگ بجھانے کے لیے پانی اور فوم کا استعمال جاری ہے۔

یہ بھی پڑھیں: صلح کریں یا بیرون ملک بھاگ جائیں، پنجاب کی تاریخ کا سب سے بڑا آپریشن شروع، ویڈیو

حکومت کی ہمدردی اور حمایت

ترجمان سندھ حکومت نے کہا کہ حکومت سندھ مشکل کی گھڑی میں تاجروں اور عوام کے شانہ بشانہ ہے، قیمتی انسانی جانوں کے ضیاع پر گہرا دکھ اور افسوس ہے، جاں بحق افراد کے لواحقین سے دلی ہمدردی اور اظہار تعزیت کرتے ہیں، برنس وارڈ میں زیر علاج زخمیوں کی جلد صحتیابی کیلئے دعا گو ہیں۔

یہ بھی پڑھیں: ڈاکٹر فضیلہ عباسی کی مبینہ منی لانڈرنگ کیس میں عبوری ضمانت بحال، گرفتاری سے روک دیا گیا۔

متاثرین کی مدد کا عزم

سعدیہ جاوید نے کہا کہ حکومت کی تمام تر ہمدردیاں متاثرین گل پلازہ کے ساتھ ہیں، حکومت سندھ ہمیشہ تاجروں کی مدد کے لیے آگے ہے، گل پلازہ کے متاثرین کے نقصانات کا ازالہ ہوگا۔

یہ بھی پڑھیں: راولپنڈی، 13 سالہ گھریلو ملازمہ کا ریپ، ملزم کا جسمانی ریمانڈ منظور، حاملہ لڑکی کا ڈی این اے کرانے کا حکم

عمارت کی حفاظتی سقم

ترجمان کا کہنا تھا کہ آگ بہت تیزی سے پھیلی جس کے باعث کنٹرول نہیں کرسکے، پرانی عمارتوں میں ایمرجنسی ایگزٹ کا انتظام نہیں ہے، عمارت میں سیفٹی کے انتظامات نہیں تھے۔

تاجر برادری کی حمایت

انہوں نے مزید کہا کہ سندھ حکومت کام کررہی ہے، تاجر برادری کے ساتھ حکومت بیٹھ کر مشاورت کرے گی۔