سپرمی لیڈر پر حملہ اعلانِ جنگ تصور ہوگا، ایران کے صدر کا سخت انتباہ

ایرانی صدر کا سخت بیان

تہران (ڈیلی پاکستان آن لائن) ایرانی صدر مسعود پزشکیان نے خبردار کیا ہے کہ ملک کے سپریم لیڈر آیت اللہ علی خامنہ ای پر کسی بھی قسم کا حملہ ایران کے خلاف اعلانِ جنگ کے مترادف ہوگا۔

یہ بھی پڑھیں: لگتا ہے زمین پر کسی اور کی نظر ہے اور نظر بھی بری ہے، جسٹس مسرت ہلالی کے آئی ٹی یونیورسٹی کے قیام سے متعلق کیس میں ریمارکس

سوشل میڈیا پر بیان

اتوار کے روز سوشل میڈیا پلیٹ فارم ایکس (سابقہ ٹوئٹر) پر جاری اپنے بیان میں صدر پزشکیان نے کہا کہ

“ہمارے ملک کے عظیم رہنما پر حملہ پوری ایرانی قوم کے ساتھ ہمہ گیر جنگ کے برابر ہوگا۔”

یہ بھی پڑھیں: ایل پی جی گھریلو سلنڈر پر 50 فیصد سے زائد ٹیکس وصولی کا انکشاف

امریکی صدر کا بیان

ایرانی صدر کا یہ بیان بظاہر امریکی صدر ڈونلڈ ٹرمپ کے اس حالیہ بیان کے ردِعمل میں سامنے آیا ہے، جس میں انہوں نے کہا تھا کہ ایران میں نئی قیادت کی تلاش کا وقت آ چکا ہے۔

سیاسی ماہرین کی رائے

سیاسی مبصرین کے مطابق ایرانی صدر کا یہ سخت لہجہ خطے میں بڑھتی ہوئی کشیدگی کی عکاسی کرتا ہے، جبکہ تہران واضح پیغام دے رہا ہے کہ اس کی اعلیٰ قیادت کو نشانہ بنانا براہِ راست جنگ کو دعوت دینے کے مترادف ہوگا۔