سپریم کورٹ میں وکلا کی عدم پیشی پر چیف جسٹس برہم، صدر سپریم کورٹ بار طلب

سپریم کورٹ میں وکلا کی عدم پیشی پر تشویش

اسلام آباد(ڈیلی پاکستان آن لائن) سپریم کورٹ میں وکلا کی عدم پیشی پر چیف جسٹس یحییٰ آفریدی نے شدید برہمی کا اظہار کرتے ہوئے صدر سپریم کورٹ بار ہارون الرشید کو طلب کر لیا۔ جسٹس شاہد بلال نے نشاندہی کی کہ وکلا کی جانب سے کیسز کے التوا کی بہت زیادہ درخواستیں آ رہی ہیں۔

یہ بھی پڑھیں: اگر امریکہ جنگ میں شامل ہوا تو خلیج کا کیا حشر ہوگا؟ کنگز کالج لندن کے پروفیسر نے منظر کشی کردی

وکلا کی پیشیوں میں کمی

نجی ٹی وی سما نیوز کے مطابق چیف جسٹس پاکستان نے صدر سپریم کورٹ بار سے کہا کہ ایک طرف جلد سماعت کی درخواستیں دائر کی جاتی ہیں، جبکہ دوسری طرف وکلا پیش نہیں ہوتے۔ اگر وکلا اسلام آباد نہیں آ سکتے تو ویڈیولنک کی سہولت موجود ہے۔ آپ بار کے ذریعے وکلا کو پابند کریں۔

پیش نہ ہونے والے وکلا کے لئے جرمانہ

صدر سپریم کورٹ بار ہارون الرشید نے تجویز دی کہ پیش نہ ہونے والے وکلا پر جرمانہ کیا جائے۔ اس پر چیف جسٹس یحییٰ آفریدی نے کہا کہ پہلی دفعہ جرمانہ نہیں کرتے، آپ وکلا کو پیشی یقینی بنانے کا پابند کریں۔