اسرائیل میں چاقو بردار شخص کا راہگیروں پر حملہ،6 افراد شدید زخمی،5 کی حالت نازک

حملہ کا واقعہ

تل ابیب (ڈیلی پاکستان آن لائن) اسرائیلی شہر حدیرہ میں چاقو بردار شخص کے حملے میں کم از کم 6 افراد شدید زخمی ہوگئے جن میں سے 2 کی حالت نازک ہونے کے سبب ہلاکتوں کا خدشہ ظاہر کیا جا رہا ہے۔

یہ بھی پڑھیں: رکن قومی اسمبلی علی موسیٰ گیلانی کا موبائل فون چوری کرنے والے چور کو 12 گھنٹوں میں گرفتار کرلیا گیا

حملہ آور کا تعاقب

اسرائیلی میڈیا کے مطابق موٹر سائیکل سوار نوجوان نے راہگیروں پر پے در پے چاقو کے وار کئے۔ زخمیوں کو گہرے گھاﺅ آئے ہیں جنھیں ہسپتال منتقل کیا گیا۔

یہ بھی پڑھیں: گھریلو صارفین کے لیے گیس کی قیمت میں بڑا اضافہ، نوٹیفکیشن جاری

زخمیوں کی حالت

زخمیوں میں سے 2 کی حالت نازک ہونے کے سبب انتہائی نگہداشت کے وارڈ میں رکھا گیا ہے جبکہ 3 کی حالت بھی تشویشناک ہے، ایک کو درمیانے درجے کا زخم ہے۔

یہ بھی پڑھیں: مجھے فقیر بنا دیا ہے، میرے پاس کوئی انٹرویو کیلئے نہ آئے،’ اداکار راشد محمود یوٹیوبرزپر برہم

طبی امداد

ہسپتال ذرائع کا کہنا ہے کہ زخمیوں کو بچانے کی ہر ممکن کوشش کی جارہی ہے۔ ماہرین پر مشتمل طبی ٹیم علاج معالجے میں مصروف ہے۔

یہ بھی پڑھیں: پی ٹی آئی رہنما شاہ محمود قریشی کی ضمانت خارج کرنے کا تحریری فیصلہ جاری

پولیس کی کارروائی

اسرائیلی پولیس کی جانب سے جاری بیان میں کہا گیا ہے کہ حدیرہ میں چھرا گھونپنا دہشت گردانہ حملہ تھا، مشتبہ حملہ آور کو تعاقب کے بعد مار دیا گیا۔

حملہ آور کی شناخت

حملہ آور کی شناخت عرب شہری 36 سالہ احمد جبرین کے نام سے ہوئی، بتایا گیا ہے کہ یہ قریبی شہر ام الفہم کا رہائشی ہے۔ جس کا مجرمانہ ریکارڈ تلاش کیا جا رہا ہے۔