سینئر ایڈوائزر انوشہ رحمان سے امریکی قونصل جنرل سٹیٹسن سینڈ رس کی وفد کے ہمراہ ملاقات

ملاقات کی تفصیلات

لاہور (ڈیلی پاکستان آن لائن) سینئر ایڈوائزر ٹو سی ایم پنجاب سینیٹر انوشہ رحمان نے امریکی قونصل جنرل سٹیٹسن سینڈرس سے اپنے وفد کے ہمراہ ملاقات کی۔ وفد میں سیاسی اور اقتصادی امور کے سربراہ ولیم کیمبل، ماہر سیاسی و اقتصادی امور صدف سعد، سینئر کمرشل سپیشلسٹ حسن رضا، اور ماہر معاشیات آمنہ انیس شامل تھے۔ اس کے علاوہ سی او سی بی ڈی عمران امین اور سیکرٹری آئی ٹی اینڈ آئی ڈیپارٹمنٹ ظہیر حسن بھی اس ملاقات میں موجود تھے۔

یہ بھی پڑھیں: اسرائیل نے ایران کے اہم کمانڈر اور سپریم لیڈر کی قریبی ترین شخصیت کو شہید کرنے کا دعویٰ کر دیا

دیجیٹل پروجیکٹس کا آغاز

اپنے خیالات کا اظہار کرتے ہوئے سینئر ایڈوائزر سینیٹر انوشہ رحمان نے قونصلر جنرل کو پاکستان مسلم لیگ (ن) کے مختلف ادوار میں شروع ہونے والے مختلف ڈیجیٹل پروجیکٹس کے حوالے سے بریف کیا، جن میں آئی سی ٹی فار گرلز، نیشنل انکیوبیشن سینٹرز، ڈیجیٹل اسکلز، تھری جی، فور جی سپیکٹرم کی دستیابی، اور پاکستان کے دور دراز کے علاقوں میں انٹرنیٹ کی فراہمی کے منصوبے شامل ہیں، جن کی وجہ سے پاکستان آج ڈیجیٹل دنیا میں ایک ابھرتا ہوا ملک نظر آتا ہے۔

یہ بھی پڑھیں: ایل این جی کارگوز کی منتقلی کا منصوبہ منظور، زرمبادلہ میں 1 ارب ڈالر کی بچت کا امکان

نواز شریف آئی ٹی سٹی پروجیکٹ

وزیر اعلیٰ پنجاب مریم نواز کے ڈیجیٹل ویژن کے تحت نواز شریف آئی ٹی سٹی پروجیکٹ کی پروگریس پر تفصیلی گفتگو کرتے ہوئے سینئر ایڈوائزر نے کہا کہ چیف منسٹر پنجاب نوجوانوں کے لئے جدید ترین ٹیکنالوجیز کو استعمال کر کے باعزت روزگار کمانے کے تمام اقدامات پر کام کر رہی ہیں۔ اسی مشن کے تحت پنجاب آئی ٹی ڈیپارٹمنٹ کا قیام عمل میں لایا گیا ہے۔

یہ بھی پڑھیں: دوسرے ممالک بڑی تعداد میں آ رہے ہیں اور ہم سے ٹریننگ لینے کا کہہ رہے ہیں

موارد کی قانونی سازی

آئی ٹی ڈیپارٹمنٹ پنجاب کی معیشت کی مضبوطی کے لئے ڈیجیٹل ٹیکنالوجی کے استعمال کے لئے قانون سازی کر رہا ہے، جس میں تیز رفتار انٹرنیٹ کی فراہمی بشمول سیٹلائٹ ٹیکنالوجی شامل ہے۔ مریم نواز کی قیادت میں پنجاب کے نوجوان آئی ٹی کی فیلڈ میں اپنا مقام پیدا کر رہے ہیں۔

یہ بھی پڑھیں: وال اسٹریٹ جرنل نے بلال بن ثاقب کو دنیا کے بااثر ترین کرپٹو رہنماؤں میں سے قرار دے دیا

فری لانسنگ میں پاکستان کی ترقی

مسلم لیگ (ن) کے منشور میں عوام سے کیے وعدوں کے ثمرات آج نمایاں ہیں، جہاں فری لانسنگ رینکنگ میں پاکستان پہلے 3 ممالک کی صف میں شامل ہے، جس میں کثیر تعداد پنجاب سے ہے۔ پنجاب میں آئی ٹی اور جدید ٹیکنالوجیز کی تعلیم اور سکلز کو بڑھانے کے لیے انکیوبیشن سینٹرز اور سینٹرل آف ایکسیلنس کا قیام کیا جا رہا ہے۔

یہ بھی پڑھیں: فصل سرما کا آغاز: جرمنی میں اوورسیز پاکستانیوں کی پارٹی اور دوستانہ بیڈمنٹن میچ

ٹیکنالوجی میں سرمایہ کاری

چیف منسٹر پنجاب مریم نواز ٹیکنالوجی کے شعبے میں بین الاقوامی سرمایہ کاری کو خوش آمدید کر رہی ہیں۔ اس کے نتیجے میں نواز شریف آئی ٹی سٹی لاہور کا حصہ بننے والی تمام کمپنیوں کو 10 سال کی انکم ٹیکس ریلیف اور کسٹم ڈیوٹی میں ریلیف کی سہولت حاصل ہے۔ ہم یہ چاہیں گے کہ لاہور نواز شریف آئی ٹی سٹی اور کیلیفورنیا کی سلیکون ویلی کو سسٹر سٹی کا سٹیٹس حاصل ہو۔

امریکی قونصل جنرل کا مثبت ردعمل

امریکی قونصل جنرل سٹیٹسن سینڈرس نے حکومت پنجاب کے جدید ٹیکنالوجی کے اقدامات کو سراہا اور پنجاب کے ڈیجیٹل منصوبوں بالخصوص نواز شریف آئی ٹی سٹی میں اپنی دلچسپی کا اظہار کیا۔ انہوں نے کہا کہ پاکستانی نوجوانوں میں بہت ٹیلنٹ ہے اور امید کرتے ہیں کہ حکومت پنجاب کے ٹیکنالوجی کے شعبے میں جاری اقدامات سے مثبت نتائج حاصل ہوں گے۔