1. 8 فروری کے احتجاج پر حکومت اور لوگوں کی نظریں ہیں، اگر احتجاج ناکام ہو گیا تو پی ٹی آئی کو دھچکا لگے گا، شیرافضل مروت

شیرافضل مروت کا احتجاج پر بیان

پشاور (ڈیلی پاکستان آن لائن) رکن قومی اسمبلی شیرافضل مروت کا کہنا ہے کہ 8 فروری کے احتجاج پر حکومت اور لوگوں کی نظریں ہیں۔ اگر پی ٹی آئی زیادہ تعداد میں لوگ نکالنے میں کامیاب ہوئی تو مذاکرات کا مستقبل روشن ہوگا اور اگر احتجاج ناکام ہوگیا تو پی ٹی آئی کو دھچکا لگے گا۔

یہ بھی پڑھیں: بانی پی ٹی آئی کہیں گے تو پورا بجٹ سکریپ کر دیں گے: مزمل اسلم

عدالت کے باہر میڈیا سے گفتگو

پشاور ہائیکورٹ میں پیشی کے بعد میڈیا سے بات چیت کرتے ہوئے انہوں نے کہا کہ پاکستان تحریک انصاف اور حکومت کے مابین مذاکرات کی ضرورت نہیں ہے، ضرورت تب ہوگی جب پی ٹی آئی سے احتجاجی سیاست کا خدشہ ہو۔ اگر 8 فروری کو احتجاج قابل ذکر نہ ہوا تو میرا خیال ہے کہ پی ٹی آئی کو دھچکا لگے گا اور دوبارہ احتجاج کی صلاحیت بہتر بنانے میں انہیں 6 ماہ تک لگ سکتے ہیں۔

یہ بھی پڑھیں: ایرانیوں کو غلام بنانے کا خواب قبروں میں جائے گا، ایرانی آرمی چیف

اپوزیشن لیڈر کی تقرریوں کی تاخیر

انہوں نے مزید کہا کہ اپوزیشن لیڈر کی تقرریاں کافی دیر سے ہوئی ہیں، ایوان اپوزیشن لیڈر کے بغیر مکمل نہیں ہوتا، اس پر پانچ ماہ لگے، یہ کام پانچ ماہ قبل بھی ہو سکتا تھا۔

یہ بھی پڑھیں: متحدہ عرب امارات کے صدر اور ڈونلڈ ٹرمپ کے درمیان ٹیلیفونک رابطہ

مذاکرات کے لیے سیاسی قیدیوں کی رہائی

شیر افضل مروت نے کہا کہ مذاکرات سے پہلے اگر سیاسی قیدیوں کی رہائی، بانی چیئرمین کی ملاقاتیں بحال، اور انہیں ڈاکٹر و فیملی کی رسائی ہو، لوگوں کو آزادی ہو اور تمام سیاسی جماعتیں جلسے کریں تو ملک کے لئے بہتر ہوگا۔ اس وقت غیر اعلانیہ مارشل لا نافذ ہے، ن لیگ اور پیپلز پارٹی کے دور حکومت میں یہ ہو رہا ہے۔

یہ بھی پڑھیں: وفاقی حکومت نے 27ویں آئینی ترمیم کے لیے قانونی مسودے کا خاکہ تیار کرلیا

قانون کی حکمرانی کی ضرورت

ملک میں قانون کی حکمرانی ہر پارٹی کی ضرورت ہے لیکن کسی بھی قوم اور معاشرے کی ترقی قانون کی حکمرانی میں ہے۔

یہ بھی پڑھیں: اوگرا کا پیٹرولیم مصنوعات کی ذخیرہ اندوزی کے خلاف سخت کارروائی کا فیصلہ

احتجاج کی کامیابی کی شرط

انہوں نے کہا کہ 8 فروری کو احتجاج کی کامیابی کا انحصار اس کی پلاننگ پر ہوگا کہ وہ کس طرح گھروں سے نکالتے ہیں۔ ابھی تک احتجاج کی خدوخال بھی سامنے نہیں آئی ہیں کہ یہ لوگ کس طرح کا احتجاج کریں گے۔

یہ بھی پڑھیں: طلاق کی شرح میں غیرمعمولی اضافے سے متعلق نئی رپورٹ جاری

پی ٹی آئی کے احتجاج کے طریقہ کار

شیر افضل مروت نے کہا کہ پی ٹی آئی کی جانب سے پہیہ جام اور شٹرڈاون کا اعلان کیا گیا ہے، کہ ان کا احتجاج صرف خیبر پختون خوا میں ہوگا، یہ ملک بھر میں ہوگا، کیا پی ٹی آئی جلسہ بھی کرے گی کہ نہیں، عوام کو اس سے آگاہ کیا جائے۔

یہ بھی پڑھیں: بشار الاسد نے اپنے ملک میں آخری چند گھنٹے کیسے گزارے؟

ضلع میں فنڈز کی روک تھام

میرے علاقے کے فنڈز کو روکا گیا ہے اور اس کے خلاف عدالت سے رجوع کیا ہے، عدالت نے اس پر حکم امتناعی بھی جاری کیا ہے کہ میرے حلقے کے فنڈز واپس نہ کیے جائیں۔

تیراہ آپریشن پر تبصرہ

انہوں نے کہا کہ تیراہ آپریشن صوبائی حکومت کی مرضی سے نہیں ہو رہا، لیکن تیراہ آپریشن کو بھی دیکھنا چاہیے کہ وہاں پر حالات کیسے ہیں۔ دہشت گردی کے خلاف جنگ میں اگر آپریشن کی ضرورت ہے تو پھر عوام اور حکومت کو پاک فوج کے ساتھ کھڑا ہونا چاہیے۔