اوچ شریف سے پنجند ہیڈ ورکس زیادہ دور نہیں، یہاں سے زیادہ لذیذ گرلڈ فش پہلے کبھی نہیں کھائی، ہمارا ایک دوست یہ فش ہمیں بذریعہ ویگن بہاولپور بھجوا دیتا ہے

مصنف کی معلومات

شہزاد احمد حمید
قسط: 418

یہ بھی پڑھیں: رکی پونٹنگ اور روی شاستری نے بابر اعظم کو اہم مشورے دے دیئے

پنجند ہیڈ ورکس کا سفر

اوچ شریف سے پنجند ہیڈ ورکس زیادہ دور نہیں ہے۔ میرا ایک سب انجینئر، عمران گاشکوری، اوچ کا رہنے والا تھا۔ بھلے مانس اور برخوردار۔ ایک بار وہ مجھے پنجند ہیڈ ورکس لے گیا اور دریائے چناب کے اس پار مظفرآباد والے کنارے بنے ایک ریسٹورنٹ سے “گرلڈ فش کھلائی"۔ سچی بات ہے اس سے زیادہ لذیز گرلڈ فش پہلے کبھی نہ کھائی تھی۔ اس فش کا ذائقہ ایسا تھا کہ جب بھی من اس فش کا ہوتا، میں اور عامر وہاں آ جاتے تھے۔ کبھی تو عمران یہ فش ہمیں بذریعہ ویگن بہاول پور بھیج دیتا۔ یہ فش امتیاز چیمہ کو بھی بہت پسند آئی تھی۔

یہ بھی پڑھیں: غزہ میں اسرائیلی جارحیت جاری، مزید 36 فلسطینی شہید ہوگئے

الطال اور اس کی داستان

اوچ شریف میں میرے ایک اسٹنٹ انجینئر، الطاف حسین کا بھی گھر تھا۔ افسوس کہ الطاف میں لالچ کی وجہ سے بہت نقصان بھی ہوا۔ وہ بیمار بھی ہوا، فالج سے بھی نہ بچ سکا اور ریٹائرمنٹ کے قریب بھی اسے بڑی شرمندگی اور تکلیف اٹھانی پڑی۔ عرصہ دراز سے اس سے کوئی رابطہ نہیں رہا۔ پیسہ اس کی زندگی کی ترجیح رہی، لیکن وفا پیسے نے بھی اس کی مدد نہیں کی اور آخر میں اسے رسوائی کا سامنا کرنا پڑا۔ چند روز پہلے مجھے شاہد سے معلوم ہوا کہ الطاف بھی اپنے ابدی گھر جا چکا ہے۔ اللہ اس کی کوتائیوں کو معاف کرکے اسے جنت میں اعلیٰ مقام عطا کرے۔ آمین

یہ بھی پڑھیں: لاہور: سی سی ڈی سے مبینہ مقابلے میں 4 منشیات فروش ہلاک

عبداللہ گل کا تعارف

گل والا ٹوبھ کا عبداللہ گل؛ ایک روز عامر ایک لمبے قد، گھٹے جسم کے باریش شخص کو ساتھ لئے میرے پاس آیا۔ یہ عامر کا دوست اور لوکل گورنمنٹ کا ٹھیکیدار عبداللہ گل تھا۔ کچھ دیر اس سے گپ شپ رہی اور وہ یہ کہہ کر چلا گیا؛ “سر! عامر بھائی آپ کو اتنے اچھے الفاظ میں یاد کرتے ہیں کہ میں آپ کو دیکھے بغیر ہی آپ کا فین ہو چکا ہوں۔” عامر کہنے لگا؛ “سر! عبداللہ کئی بار کہہ چکا ہے کہ ڈائریکٹر صاحب کو ڈیرہ پر لائیں۔ گپ بھی لگائیں گے، کھانا بھی کھائیں گے اور جیپ بھی دوڑائیں گے۔”

یہ بھی پڑھیں: قومی سلامتی کمیٹی اجلاس: ایران کیخلاف اسرائیلی جارحیت کی شدید مذمت

ڈیرے پر کا منظر

ایک روز عامر، نواز، اشفاق گل، چاچا رمضان (اے ڈی ایل جی کا ڈرائیور، اچھا ڈرائیور اور شریف آدمی) اور میں مغرب کی نماز کے بعد اس کے ڈیرے چلے آئے جو صحرا کے اندر، آبادی سے پرے چنن پیر دربار سے زیادہ دور نہیں تھا۔ موسم اچھا اور سردی کا آغاز تھا۔ ڈیرے پر تاروں بھری آسمان کے نیچے لکڑیوں کی آگ جل رہی تھی اور دور تک پھیلی بار بی کیو کی خوشبو ناک میں گھس رہی تھی۔ ساتھ میں دیسی بکرے کا قورمہ اور ہرن کا روسٹ گوشت۔ واہ! بھوک بھی خوب لگی ہوئی تھی۔ کھاتے ہی چلے گئے۔ گڑ والی چائے پی چکے تو عبداللہ گل کہنے لگا؛ “سر! میرے والد بھی چولستان جیپ ریلی میں حصہ لیتے تھے۔”

یہ بھی پڑھیں: بھارتی ریاست اتر پردیش میں گھر میں باجماعت نماز ادا کرنے پر 12 افراد گرفتار

چولستان جیپ ریلی کا سفر

اس کے ڈیرے کی بغل سے چولستان جیپ ریلی کا پرانا ٹریک گزرتا تھا۔ آئیں اس ٹریک پر چلتے ہیں۔ اس نے والد کی گاڑی "سرف ایس آر" گیراج سے نکالی، جو عمدگی سے maintain کی گئی تھی۔ رات تقریباً 9 بجے کا وقت ہوگا۔ یہ چودھویں کی رات تھی۔ تاروں میں گھرا مہتاب اپنی آب و تاب سے چمک رہا تھا۔ ہوا میں خنکی اور فضا کثافت سے پاک تھی۔ صحرا خاموش تھا۔ اتنا خاموش کہ ہوا کی آواز سنائی دیتی تھی۔

یہ بھی پڑھیں: ملک کے مختلف شہروں میں طوفانی بارش اور ژالہ باری کی پیشگوئی

جیپ کی سواری

ہم جیپ میں سوار ہوئے تو عبداللہ کہنے لگا؛ “سر 3 کلومیٹر کے اس فاصلے پر جاتی دفعہ میں اور واپسی پر آپ جیپ چلائیں گے۔" عبداللہ ڈرائیونگ سیٹ سنبھال چکا تھا۔ میں اس کے ساتھ فرنٹ سیٹ پر بیٹھا اپنی سیٹ بیلٹ باندھ کر عامر کو دیکھ رہا تھا، جو پچھلی سیٹ پر بغیر سیٹ بیلٹ باندھے مسکرا رہا تھا۔ جیپ پھٹی پھٹی صورت حال میں فراٹے بھرنے لگی۔ سو، ایک سو بیس، ایک سو تیس اور ایک سو چالیس کلومیٹر کی رفتار کو ٹچ کر رہی تھی۔ سامنے جیپ کی لائٹس تھیں اور پیچھے دھول۔ ڈیرہ پیچھے رہ گیا تھا۔ ناجانے عبداللہ کا کیا سوجھی، اس نے اسی رفتار سے جیپ پہلے دائیں اور پھر بائیں گھمائی۔ (جاری ہے)