مری میں شدید برفباری کے باعث نظام زندگی مفلوج، مری میں مزید گاڑیوں کا داخلہ بند کردیا گیا

مری میں شدید برفباری کا اثر

اسلام آباد(ڈیلی پاکستان آن لائن) مری میں شدید برفباری کے باعث نظام زندگی مفلوج ہوکر رہ گیا ہے۔ رابطہ سڑکیں بند ہوگئیں ہیں، جبکہ مواصلاتی نظام اور ٹریفک کو بھی شدید متاثر کیا ہے۔

یہ بھی پڑھیں: پی سی بی نے ضابطہ اخلاق کی خلاف ورزی پر میچ ریفری کیخلاف آئی سی سی کو درخواست دیدی : محسن نقوی

برفباری کا دورانیہ

مری میں 24 گھنٹوں سے برفباری کا سلسلہ جاری ہے۔ تقریباً 2 فٹ برف پڑنے کی وجہ سے نظام زندگی متاثر ہوا ہے، اور بجلی کا طویل بریک ڈاؤن بھی جاری ہے۔ اس برفباری کی وجہ سے متعدد رابطہ سڑکیں برف سے ڈھک گئیں ہیں، جس کی وجہ سے سیاحوں کا داخلہ تاحال بند ہے۔ جھیکا گلی کی ایم آئی ٹی روڈ برفباری کے بعد بند پڑی ہے، اور وہاں کچھ گاڑیاں پھنس کر رہ گئی ہیں۔

یہ بھی پڑھیں: آسام کے وزیرِ اعلیٰ نے بڑی سیاسی جماعت کے رکنِ پارلیمنٹ پر پاکستانی اسٹیبلشمنٹ سے رابطوں کا الزام لگا دیا، ثبوت بھی پیش کرنے کا دعویٰ

مقامی انتظامیہ کی کوششیں

راولپنڈی اور اسلام آباد سے مری میں مزید گاڑیوں کا داخلہ بند کردیا گیا ہے۔ کمشنر راولپنڈی، انجینئر عامر خٹک کا کہنا ہے کہ مسلسل برفباری کے باعث رابطوں میں دشواری کا سامنا ہے۔ تاہم، ضلعی انتظامیہ، پولیس، ریسکیو 1122 کے ساتھ ساتھ پاک فوج کے جوان امدادی سرگرمیوں میں مصروف ہیں۔ انہوں نے کہا کہ برفباری میں پھنسے سیاحوں کو محفوظ مقامات پر منتقل کیا جا رہا ہے۔ وزیر اعلیٰ پنجاب صورتحال کی خود نگرانی کر رہی ہیں، اور سیاحوں سے اپیل کی گئی ہے کہ وہ غیر ضروری سفر سے گریز کریں۔

آئندہ کی صورتحال

واضح رہے کہ مری میں برفباری کا سلسلہ آئندہ 24 گھنٹوں تک جاری رہنے کا امکان ہے۔