ہماری فوج مکمل تیار ہے، کسی بھی قسم کے حملے کو مکمل جنگ تصور کیا جائے گا: ایرانی حکام

ایران کی جانب سے انتباہ

تہران (ڈیلی پاکستان آن لائن) ایران نے امریکا اور اسرائیل کو خبردار کرتے ہوئے کہا ہے کہ کسی بھی قسم کے حملے کو مکمل جنگ تصور کیا جائے گا۔

امریکا اور اسرائیل کی جانب سے حملے کے خدشے پر ایران نے ردعمل دیتے ہوئے کہا کہ کسی بھی قسم کے حملے کو مکمل جنگ تصور کیا جائے گا۔

ایرانی حکام کا کہنا ہے کہ کسی بھی قسم کی جارحیت برداشت نہیں کی جائے گی، بدترین صورتحال کے لیے ہماری فوج مکمل طور پر تیار ہے۔

ایرانی حکام کے مطابق، امریکی فوجی نقل و حرکت کے پیش نظر ہائی الرٹ ہے، محدود یا سرجیکل حملہ بھی ہوا تو سخت ترین جواب دیں گے۔

واضح رہے کہ گزشتہ دنوں امریکی صدر ٹرمپ نے کہا تھا کہ ہماری بڑی فورس ایران کی جانب رواں دواں ہیں، بہت سے جہاز ایران کی طرف جا رہے ہیں۔

انہوں نے کہا کہ ایران کے قریب احتیاطی طور پر فورس تعینات کر رہے ہیں، دیکھتے ہیں کہ آگے کیا ہوتا ہے۔