پاکستان نے ایران مخالف قرارداد کے خلاف ووٹ دے کر اصولی مؤقف اختیار کیا: ایرانی سفیر رضا امیری مقدم

اسلام آباد (ڈیلی پاکستان آن لائن) ایران کے سفیر رضا امیری مقدم نے انسانی حقوق کونسل میں ایران مخالف قرارداد کے خلاف ووٹ دینے پر پاکستان سے تشکر کا اظہار کیا۔

I extend my sincere gratitude to the esteemed Government of the Islamic Republic of Pakistan, under the leadership of the Honorable Prime Minister, H.E. Muhammad Shehbaz Sharif, and the Deputy Prime Minister and Minister for Foreign Affairs, H.E. Muhammad Ishaq Dar, for their… https://t.co/hamR0E4JhD pic.twitter.com/xpSpQ2exhG

— Reza Amiri Moghadam (@IranAmbPak) January 23, 2026

پاکستان کا مؤقف

ایرانی سفیر رضا امیری مقدم نے "ایکس" پراپنے بیان میں کہا کہ پاکستان نے یواین انسانی حقوق کونسل میں ایران مخالف قرارداد کے خلاف ووٹ دے کر ایران کے حق میں اصولی مؤقف اختیار کیا۔ ایرانی سفیر نے وزیراعظم شہبازشریف اور نائب وزیراعظم و وزیرخارجہ اسحاق ڈار کی قیادت میں پاکستان کے اصولی کردار کو قابل تحسین قرار دیا۔

جرأت مندانہ اقدام

ایرانی سفیر نے کہا کہ پاکستان نے ایران کے خلاف غیرمنصفانہ قرارداد پر ووٹنگ کا مطالبہ کر کے جرأت مندانہ اقدام کیا۔ 12 روزہ جارحیت، بیرونی حمایت یافتہ ہنگامے اور عالمی اداروں کے غلط استعمال کی کوششیں ناکام ہوئیں، اور ایران کے خلاف سیاسی اور بلاجواز اقدامات کو تیسری مسلسل ناکامی کا سامنا کرنا پڑا۔

پاکستان کی حمایت کی اہمیت

رضا امیری مقدم نے کہا کہ پاکستان کی حمایت انصاف، انسانی حقوق، کثیرالجہتی نظام اور قومی خودمختاری سے وابستگی کی عکاس ہے۔ انہوں نے واضح کیا کہ ایران اس اصولی اور مستقل حمایت کو ہمیشہ قدر کی نگاہ سے یاد رکھے گا۔