نوجوانوں کو تعلیم، تربیت اور ہنر مندی کے بہترین مواقع فراہم کرنا اولین ترجیحات میں شامل ہے: وزیر اعظم

مہنگے بازار تعلیم کی اہمیت

اسلام آباد (ڈیلی پاکستان آن لائن) وزیراعظم محمد شہباز شریف نے تعلیم و تربیت کے شعبے سے وابستہ افراد کو خراج تحسین پیش کرتے ہوئے کہا ہے کہ پاکستان کے باصلاحیت نوجوان ہمارا قیمتی اثاثہ ہیں جنہیں تعلیم، تربیت اور ہنر مندی کے بہترین مواقع فراہم کرنا حکومت کی اولین ترجیحات میں شامل ہے۔

یہ بھی پڑھیں: 2025ء کے پہلے 6 مہینوں میں 950 بچوں کے جنسی استحصال کے واقعات رپورٹ

عالمی یوم تعلیم کے موقع پر پیغام

وزیر اعظم آفس کے میڈیا ونگ کی طرف سے جاری بیان کے مطابق عالمی یوم تعلیم پر اپنے پیغام میں وزیر اعظم نے کہا کہ آج پاکستان اقوام عالم کے ساتھ ہم آواز ہو کر بھرپور انداز میں دنیا بھر بالخصوص پاکستان کے تعلیم و تربیت سے وابستہ تمام افراد کو خراج تحسین پیش کرتا ہے۔

یہ بھی پڑھیں: دلوں کے بادشاہ: نہرو اور ان کے درزی کی کراچی میں دکان کا قصہ

نوجوانوں کی قدر و قیمت

انہوں نے کہا کہ وہ ذاتی طور پر تمام عوام، طلباء و طالبات، اساتذہ، والدین، معلمین اور محققین کو دلی مبارکباد پیش کرتے ہیں جو ملک بھر میں تعلیم و تربیت اور علم کے فروغ کے لئے کوشاں ہیں۔ رواں سال یہ عالمی دن ’’تعلیم کی مشترکہ تشکیل میں نوجوانوں کی طاقت‘‘ کے تحت منایا جارہا ہے۔

یہ بھی پڑھیں: لیڈز ٹیسٹ، بھارتی کھلاڑی ریشابھ پنت امپائر سے الجھ پڑے، ویڈیو وائرل

نظام تعلیم کے تقاضے

یہ عنوان نوجوان طبقہ کی نظام تعلیم میں بطور ایک فعال شراکت دار ہونے کی ترجمانی کرتا ہے، ایسا نظام تعلیم جو عصر حاضر، جدت اور مستقبل کے تقاضوں سے ہم آہنگ ہو۔ نوجوانوں کی تخلیقی صلاحیتیں اور جدت آموز امنگیں یقینی طور پر نظام تعلیم کی درست سمت میں ترقی کا باعث بنیں گی۔

یہ بھی پڑھیں: ہنگری اور پاکستان کے سفارتی تعلقات کی 60ویں سالگرہ، دوطرفہ تعاون میں مزید اضافہ ہوگا: وزیر مملکت بلال اظہر کیانی

حکومتی اقدامات

وزیر اعظم نے کہا کہ حکومت پاکستان تعلیم کے نظام کو مؤثر اور نوجوانوں کو بااختیار بنانے کے لیے خصوصی توجہ دے رہی ہے، جن میں اعلیٰ تعلیم کے لیے توسیع شدہ وظائف اور وزیراعظم لیپ ٹاپ سکیم شامل ہیں۔ ان پروگرامز کا مقصد طلباء کو ڈیجیٹل وسائل تک رسائی فراہم کرنا ہے۔

یہ بھی پڑھیں: ضلع کیچ میں سیکیورٹی فورسز کا آپریشن، 4 دہشتگرد جہنم واصل، ہلاک ہونیوالوں میں انتہائی مطلوب گینگ ثنا عرف بارو بھی شامل

نوجوانوں کی شمولیت

وزیر اعظم یوتھ سکلز ڈویلپمنٹ پروگرام کے تحت نیشنل ووکیشنل اینڈ ٹیکنیکل ٹریننگ کمیشن کے ذریعے ملک بھر میں موثر تربیت فراہم کی جا رہی ہے، تاکہ نوجوان باوقار روزگار حاصل کر سکیں۔ خواتین کے لیے خصوصی پروگرامز کے ذریعے تکنیکی اور ڈیجیٹل مہارتیں فراہم کی جا رہی ہیں۔

یہ بھی پڑھیں: بنگلہ دیشی فوج میں اعلیٰ سطح پر بڑی تبدیلیاں، چیف آف جنرل سٹاف کی تبدیلی، بھارت میں تعینات دفاعی مشیر کی ترقی

تعلیمی ماحول کی تشکیل

وزیر اعظم نے عالمی یوم تعلیم پر اپیل کی کہ تمام تعلیم ادارے مل کر نوجوانوں کے لئے ایک ایسا تعلیمی ماحول تشکیل دیں جو سب کی شمولیت کو فروغ دے، محنت کی عظمت کو اجاگر کرے، اور تعلیم کے جدید تقاضوں پر پورا اترے۔

مستقبل کی تعمیر

اس عزم کا تجدید کریں کہ نوجوانوں کے تابناک مستقبل کو تعلیم اور ہنر و مہارت کا محور بنائیں گے اور ایک ایسا تعلیمی نظام تشکیل دیں گے جو ہر فرد کی صلاحیتوں کو نکھارے اور ترقی و خوشحالی کی منزل کی جانب پاکستان کی قیادت کے لئے تیار کرے۔