غزہ کے مستقبل کا فیصلہ فلسطینیوں نے کرنا ہے، سپین نے غزہ امن بورڈ میں شمولیت سے انکار کردیا۔

اسپین کا غزہ امن بورڈ میں شمولیت سے انکار

میڈرڈ (ڈیلی پاکستان آن لائن) سپین نے امریکہ کے غزہ امن بورڈ میں شمولیت سے انکار کر دیا۔ ہسپانوی وزیراعظم پیڈرو سانچیز نے فیصلے کا اعلان کرتے ہوئے کہا کہ سپین نے اِس نام نہاد پیس بورڈ میں شمولیت نہ کرنے کا فیصلہ کیا ہے۔

یہ بھی پڑھیں: سانحہ گل پلازہ، پیپلز پارٹی نے سارا ملبہ جماعت اسلامی پر ڈال دیا

وزیرِاعظم کا بیان

وزیرِاعظم پیڈرو سانچیز نے برسلز میں یورپی یونین کے سربراہی اجلاس کے بعد صحافیوں سے گفتگو کرتے ہوئے کہا کہ ہم دعوت کی قدر کرتے ہیں، لیکن ہم اسے قبول نہیں کرتے۔ انہوں نے کہاکہ یہ بورڈ اقوام متحدہ کے دائرہ کار سے باہر ہے، اس میں فلسطینی اتھارٹی بھی شامل نہیں ہے۔ انہوں نے مزید کہاکہ غزہ اور مغربی کنارے کے مستقبل کا فیصلہ فلسطینیوں نے کرنا ہے۔

غزہ بورڈ آف پیس کی تشکیل

واضح رہے کہ امریکی صدر ٹرمپ کی جانب سے تشکیل دیے گئے غزہ بورڈ آف پیس میں پاکستان، قطر، سعودی عرب، ترکیے، انڈونیشیا، بحرین، مصر، اردن، قازقستان، ازبکستان اور متحدہ عرب امارات (یو اے ای) شمولیت اختیار کر چکے ہیں۔ اس کے علاوہ ارجنٹینا، آرمینیا، آذربائیجان، بیلاروس، ہنگری، کوسوو، مراکش اور ویتنام نے بھی غزہ بورڈ آف پیس میں شمولیت کا اعلان کیا ہے۔