سیالکوٹ: ڈسکہ روڈ پر تیز رفتار کار کھڑی ٹریکٹر ٹرالی سے ٹکرا گئی، 5 افراد جاں بحق

حادثے کی تفصیلات

سیالکوٹ(ڈیلی پاکستان آن لائن) سیالکوٹ کے قریب ڈسکہ روڈ پر تیز رفتار کار کھڑی ٹریکٹر ٹرالی سے ٹکرا گئی جس کے باعث پانچ افراد جاں بحق ہوگئے ہیں۔

یہ بھی پڑھیں: کوئٹہ میں انسداد اسمگلنگ کی بڑی کارروائی، گاڑی سے 13 کروڑ 66 لاکھ روپے مالیت کی کرسٹل آئس برآمد

ریسکیو حکام کی رپورٹ

نجی ٹی وی سما نیوز کے مطابق ریسکیو حکام کا کہنا ہے کہ حادثے کے نتیجہ میں 2 بچوں سمیت 5 افراد جاں بحق جبکہ ایک زخمی ہے، لاشوں اور زخمی کو ٹی ایچ کیو ہسپتال ڈسکہ منتقل کر دیا گیا۔

یہ بھی پڑھیں: پنجاب دھی رانی پروگرام: درخواستوں کی وصولی شروع، دولہا دلہن کو 1 لاکھ روپے ملیں گے

جاں بحق افراد کی شناخت

جاں بحق افراد میں 3 سال کی عزا، 6 سال کا زمان، 38 سال کا سلمان، 58 سال کا اسلام اور 29 سال کا عمران شامل ہیں۔ حادثہ تیز رفتاری کے باعث پیش آیا۔

لواحقین کا بیان

لواحقین کے مطابق گاڑی میں سوار تمام افراد ایک ہی خاندان سے تعلق رکھتے تھے اور سالگرہ کی تقریب میں شرکت کے بعد واپس آ رہے تھے۔