چلتی ٹرین میں خاتون مسافر کو تھپڑ مارنے والا سپیشل ٹکٹ ایگزامینر معطل
سپیشل ٹکٹ ایگزامینر کی معطلی
لاہور (ڈیلی پاکستان آن لائن) چلتی ٹرین میں خاتون مسافر کو تھپڑ مارنے اور مسافروں سے لڑائی جھگڑا کرنے پر سپیشل ٹکٹ ایگزامینر ارشاد کو معطل کر دیا گیا۔
یہ بھی پڑھیں: پیٹرولیم مصنوعات کی قیمتیں بڑھانے کیخلاف درخواست، وفاقی حکومت سے جواب طلب
انکوائری کا آغاز
نجی ٹی وی چینل دنیا نیوز کے مطابق ڈویژنل کمرشل آفیسر عبداللہ ارشد نے بتایا کہ سپیشل ٹکٹ ایگزامینر کو معطل کرنے کے بعد انکوائری بھی شروع کر دی گئی ہے۔
یہ بھی پڑھیں: آئی سی سی نے امریکہ کی کرکٹ کی رکنیت معطل کردی
لڑائی جھگڑے کی وجوہات
ریلوے ذرائع کے مطابق فیصل آباد سے راولپنڈی جانے والی پاکستان ایکسپریس ٹرین میں سامان راستے میں رکھنے پر لڑائی جھگڑا شروع ہوا تھا۔
یہ بھی پڑھیں: اسحاق ڈار نے سفارت کاری کا حق ادا کر دیا، منظور حسین
مسافروں کی مداخلت
مسافروں کی طرف سے تلخ کلامی کے بعد ویڈیوز بنانے پر بات بڑھ گئی، نوبت ہاتھا پائی تک پہنچی۔ دوران لڑائی ٹرین بھی رکی رہی۔
یہ بھی پڑھیں: مختلف علاقوں میں تیز ہواؤں کے ساتھ موسلادھار بارش اور ژالہ باری کی پیشگوئی
مسافروں کی شکایات پر کارروائی
ریلوے ذرائع کے مطابق دیگر مسافروں نے لڑائی جھگڑا ختم کرایا، مسافروں کی شکایات پر کارروائی شروع کر دی گئی ہے۔
یہ بھی پڑھیں: بلوچستان میں غیرت کے نام پر خاتون کے قتل پر مذمتی قرارداد پنجاب اسمبلی میں جمع کرا دی گئی
انکوائری ٹیم کا اجلاس
پیر کے روز انکوائری ٹیم کے سامنے ٹکٹ ایگزامینر، ڈیوٹی پر موجود پولیس اہلکار اور گارڈ بھی پیش ہوں گے۔
واقعہ کی تاریخ
واضح رہے کہ ٹرین میں مسافر کے ساتھ لڑائی جھگڑے کا واقعہ 4، 5 روز قبل پیش آیا تھا۔
