پنجاب کے 51 شہروں میں ”مریم نواز کا سوہنا پنجاب” پراجیکٹس پر کام شروع کر دیا گیا، وزیر اعلیٰ نے خود مانیٹرنگ سنبھال لی

مریم نواز کا سوہنا پنجاب: ترقیاتی منصوبے کا آغاز

لاہور (طیبہ بخاری سے) پنجاب کے 51 شہروں میں "مریم نواز کا سوہنا پنجاب" پراجیکٹس پر کام شروع کر دیا گیا، وزیر اعلیٰ نے خود مانیٹرنگ سنبھال لی۔

یہ بھی پڑھیں: سیالکوٹ یونائیٹڈ سوسائٹی ناروے کی جانب سے عرفان اللہ وڑائچ کے اعزاز میں عشائیہ کا اہتمام

منصوبے کی تفصیلات

پنجاب کے 51 شہروں میں "مریم نواز کا سوہنا پنجاب" پراجیکٹس پر کام شروع کر دیا گیا ہے۔ وزیراعلیٰ مریم نواز نے اس منصوبے کی پہلے فیز کی جون 2026 تک تکمیل کا حکم دیا ہے، جس میں ہر شہر میں سیوریج سمیت دیگر بنیادی پراجیکٹس کی جلد تکمیل شامل ہے۔ پنجاب ڈویلپمنٹ پلان پر عملدرآمد کو یقینی بنانے کے لیے صوبائی و ضلعی کنٹرول روم قائم کیا جائے گا۔

یہ بھی پڑھیں: بنگلہ دیش: جماعت اسلامی کے ضلعی امیر احتجاجی ریلی میں خطاب کے دوران انتقال کرگئے

پراجیکٹس کی براہ راست نگرانی

وزیر اعلیٰ مریم نواز نے پراجیکٹس کی تکمیل اور عوامی مسائل کے حل کی براہ راست نگرانی کا حکم دیا۔ وزیراعلیٰ نے پنجاب ڈویلپمنٹ پلان کی مانیٹرنگ خود سنبھال لی ہے۔ گوجرانوالہ کی تاریخ کا سب سے بڑا ترقیاتی پیکج مل گیا، جس کے تحت ہر گلی، محلے تک ترقی کے ثمرات پہنچانے کے لیے 42 ارب 62 کروڑ کا تاریخی پنجاب ڈویلپمنٹ پلان دیا گیا ہے۔

یہ بھی پڑھیں: آئی جی پنجاب سے پولیس ملازمین اور ان کے اہلخانہ کی ملاقات، فوری ریلیف کے احکامات جاری

گوجرانوالہ میں ترقیاتی کام

گوجرانوالہ میں 131 کلومیٹر سیوریج اور 2 کلومیٹر ڈرینج لائن بچھائی جائے گی۔ اس کے علاوہ، ویسٹ واٹر ٹریٹمنٹ پلانٹ اور 16 مشینری یونٹ بھی مہیا کیے جائیں گے۔

یہ بھی پڑھیں: اقتصادی رابطہ کمیٹی نے ریکوڈک کے حتمی معاہدوں کی منظوری دے دی

اجلاس کی تفصیلات

وزیراعلیٰ مریم نواز کی زیر صدارت ایک خصوصی اجلاس ہوا جس میں پنجاب ڈویلپمنٹ پلان کے ہر منصوبے میں شفافیت اور بروقت تکمیل کی ہدایت کی گئی۔ ملتان، ڈیرہ غازی خان، بھکر، وہاڑی، وزیرآباد، گوجرانوالہ، شیخوپورہ اور قصور کے ڈپٹی کمشنرز نے بریفنگ دی۔

یہ بھی پڑھیں: آغا علی کا دوسری شادی کے حوالے سے بیان سامنے آ گیا

پنجاب کی ترقیاتی پیشرفت

ڈپٹی کمشنرز نے پنجاب ڈویلپمنٹ پلان کی پیشرفت کے بارے میں وزیراعلیٰ مریم نواز کو براہ راست رپورٹس پیش کیں۔ پنجاب کے 51 شہروں میں 5887 کلومیٹر طویل سیوریج اور 181 ڈرینج لائنیں تعمیر کی جائیں گی۔ آمدورفت میں آسانی کو یقینی بنانے کے لیے "مریم نواز کا سوہنا پنجاب" کے تحت 100 کلومیٹر طویل سڑکیں اور گلیاں پختہ کی جائیں گی۔

یہ بھی پڑھیں: پنجاب میں 7354 کالج ٹیچرز کی بھرتی مکمل، 8 ماہ کیلئے 50 ہزار روپے ماہانہ دیئے جائیں گے

مزید ترقیاتی منصوبے

بریفنگ کے دوران مزید بتایا گیا کہ ملتان میں 232 کلو میٹر سیوریج لائن، 81 پمپ، 51 جنریٹر اور 64 کلو میٹر اربن روڈز بنیں گی۔ ڈیرہ غازی خان میں سیوریج اور ڈرینج سسٹم کے لیے 12 ارب روپے خرچ کیے جائیں گے۔ بھکر میں 42 انچ قطر کی سیوریج لائن اور 100 نئے مین ہول، سولر ڈسپوزل سٹیشن قائم ہوں گے۔

یہ بھی پڑھیں: سپریم کورٹ نے اسلم رئیسانی کے خلاف انتخابی عذرداری خارج کردی

شیخوپورہ اور وہاڑی میں ترقی

بریفنگ میں مزید بتایا گیا کہ وہاڑی میں 6 ارب 70 کروڑ روپے کی لاگت سے پنجاب ڈویلپمنٹ پلان کے پراجیکٹس مکمل کیے جائیں گے۔ شیخوپورہ میں 95 کلومیٹر طویل سیوریج لائن بچھائی جائے گی۔ وزیراعلیٰ مریم نواز نے ان پراجیکٹس کی جلد تکمیل کی ہدایت کی۔

قصور کے مسائل کا حل

وزیراعلیٰ مریم نواز نے ڈسٹرکٹ ہیڈ کوارٹر ہسپتال قصور کی ری ویمپنگ پر ڈپٹی کمشنر کو شاباش دی اور قصور میں صفائی کی صورتحال میں بہتری لانے کے لیے ہدایت جاری کی۔ پتوکی میں سیوریج سسٹم کی جلد سے جلد بحالی کے لیے اقدامات کا حکم دیا گیا۔