بارش برسانے والا سسٹم ملک میں داخل، آج بادل کہاں کہاں برسیں گے؟
بارش برسانے والا سسٹم ملک میں داخل
اسلام آباد(ڈیلی پاکستان آن لائن) بارش برسانے والا سسٹم ملک میں داخل ہو گیا، محکمہ موسمیات نے ملک کے مختلف علاقوں میں بارش اور برفباری کی پیشگوئی کر دی۔
یہ بھی پڑھیں: آپ ترقی کر رہے ہیں تو زندہ ہیں نہیں کر رہے تو شمار بھی مُردوں میں کیا جا سکتا ہے، کامیابی کی خواہش ابھار کر اپنے لیے تحریک اور حوصلہ مہیا کر سکتے ہیں
محکمہ موسمیات کی پیشگوئی
محکمہ موسمیات کے مطابق آج سے کل تک ملک کے بالائی علاقوں میں مزید بارش اور برفباری کا امکان ہے، بارش اور برفباری کے باعث لینڈ سلائیڈنگ کا الرٹ بھی جاری کیا گیا ہے۔
یہ بھی پڑھیں: سندھ رینجرز اور پولیس کی مشترکہ کارروائی، مال بردار ٹرکوں کو لوٹنے اور ڈرائیورز کو اغوا کرنے والے 6 ملزم گرفتار
اسلام آباد اور دیگر شہروں کی صورتحال
اسلام آباد میں رات کو تیز ہواؤں اور گرج چمک کے ساتھ بارش کا امکان ہے، سکھر، لاڑکانہ، جیکب آباد، دادو اور گرد و نواح میں بارش ہونے کی توقع ہے۔
یہ بھی پڑھیں: لاہور میں گھر سے میاں بیوی کی لاشیں برآمد
برفباری کی توقعات
چترال، کوہستان، مانسہرہ، ایبٹ آباد اور شانگلہ میں مزید برفباری کی توقع ہے، استور، ہنزہ، اسکردو، مری، گلیات، وادی نیلم اور باغ میں بارش و برفباری کا امکان ظاہر کیا گیا ہے。
یہ بھی پڑھیں: شریف فیملی کا اہم مشاورتی اجلاس، پنجاب کابینہ میں توسیع کا فیصلہ
آزاد کشمیر اور بلوچستان کی صورتحال
آزادجموں و کشمیر کے علاقے پونچھ اور حویلی میں مزید بارش و برفباری کا امکان ہے، کوئٹہ، زیارت، چمن، پشین، قلعہ عبداللہ اور قلعہ سیف اللہ میں مزید برفباری کی توقع ہے۔
یہ بھی پڑھیں: قازقستان کے صدر کے اعزاز میں وزیراعظم ہاؤس میں استقبالیہ تقریب، گارڈ آف آنر پیش
سڑکوں کی بندش کا خدشہ
بلوچستان اور خیبرپختونخوا کے کئی علاقوں میں بارش اور برفباری کا سلسلہ دوبارہ شروع ہو گیا ہے، نوشکی، ہرنائی اور ژوب میں برفباری کے باعث سڑکیں بند ہونے کا خدشہ ہے۔
یہ بھی پڑھیں: روٹی، نان کی قیمت مقرر کرنے کا نوٹیفکیشن اسلام آباد ہائیکورٹ میں چیلنج
لینڈ سلائیڈنگ کا خطرہ
بالائی خیبر پختونخوا، آزاد کشمیر اور گلگت بلتستان میں لینڈ سلائیڈنگ کا خدشہ ہے، کوئٹہ سمیت بلوچستان کے مختلف اضلاع میں بارشوں اور برفباری کا ایک اور اسپیل شروع ہو چکا ہے۔
یہ بھی پڑھیں: مظفر گڑھ: طلبہ کو اسکول لے جانے والے رکشہ ریس لگاتے ہوئے آپس میں ٹکرا گئے، طالبہ جاں بحق، 13 زخمی
ایمرجنسی الرٹ
کوئٹہ، قلات، مستونگ، کان مہترزئی، مسلم باغ اور چمن میں بارش و برفباری کا آغاز ہو گیا ہے، بارشوں کے باعث پہاڑی علاقوں کے ندی نالوں میں طغیانی کا خدشہ ہے۔
پی ڈی ایم اے کی جانب سے بلوچستان کے متعلقہ اضلاع کو الرٹ جاری کردیا گیا ہے، پی ڈی ایم اے کا کہنا ہے کہ ہیوی مشینری عملے کے ہمراہ قومی شاہراہوں پر موجود ہے۔
شہریوں کے لئے ہدایت
پی ڈی ایم اے نے شہریوں سے کہا ہے کہ وہ قومی شاہراہوں پر غیر ضروری سفر سے گریز کریں، کان مہترزئی اور کوئٹہ میں ایمرجنسی ریسپانس سینٹر 24 گھنٹے فعال ہے، متعلقہ اضلاع میں خوراک، کمبل سمیت دیگر امدادی سامان پہنچا دیا گیا ہے۔
