26 نومبر احتجاج کیس؛ علیمہ خان کی حاضری معافی کی درخواست منظور، سماعت 28 جنوری تک ملتوی

راولپنڈی میں انسداد دہشت گردی عدالت کی کارروائی

راولپنڈی(ڈیلی پاکستان آن لائن) انسداد دہشت گردی عدالت راولپنڈی نے علیمہ خان کی حاضری معافی کی درخواست منظور کرتے ہوئے 26 نومبر احتجاج کیس کی سماعت 28 جنوری تک ملتوی کر دی۔

یہ بھی پڑھیں: عارف والا میں خاتون نے سابق شوہر کو مبینہ طور پر زہردے کر قتل کردیا

سماعت کی تفصیلات

نجی ٹی وی چینل دنیا نیوز کے مطابق، انسداد دہشت گردی عدالت کے جج امجد علی شاہ نے 26 نومبر احتجاج کیس کی سماعت کی، بانی کی بہن عدالت پیش نہ ہوئیں۔

یہ بھی پڑھیں: خالدہ ضیاء کے بیٹے بنگلہ دیش نیشنلسٹ پارٹی کے عبوری چیئرمین طارق رحمان نے جلاوطنی ختم کر دی۔

وکیل کی درخواست

وکیل صفائی فیصل ملک نے علیمہ خان کی ایک روزہ حاضری معافی کی درخواست پیش کرتے ہوئے موقف اختیار کیا کہ علیمہ خان کی لاہور میں دیگر مصروفیات ہیں، آج عدالت حاضر ہونے سے قاصر ہیں۔ انہوں نے مزید کہا کہ کل (منگل) کو ان کی دیگر عدالتی مصروفیات ہیں، اس لیے مقدمہ کی تاریخ اس سے آگے کی دی جائے۔

یہ بھی پڑھیں: موساد کے سربراہ کا واشنگٹن کا دورہ، لاکھوں فلسطینیوں کو غزہ سے دوسرے ممالک منتقل کرنے میں مدد مانگ لی

عدالت کا فیصلہ

عدالت نے علیمہ خان کی آج کی تاریخ پیشی سے استثنیٰ کی درخواست منظور کر لی۔

مزید قانونی کارروائیاں

وکیل صفائی فیصل ملک نے علیمہ خان کے بینک اکاؤنٹ کو ڈی فریز کرنے اور ان کے بلاک کئے گئے شناختی کارڈ اور پاسپورٹ کی بھی بحالی کی درخواست کی، جسے عدالت نے سماعت کے لئے منظور کرتے ہوئے سرکار کو نوٹس جاری کر دیئے۔ پراسیکیوٹر آئندہ تاریخ پر ان درخواستوں پر اپنے دلائل دیں گے۔