جموں و کشمیر کمیونٹی اوورسیز کے بانی اراکین سردار عبداللطیف عباسی (مرحوم) اور انجینئر سردار اعظم (مرحوم) کی خدمات کے سلسلے میں تعزیتی ریفرنس کا اہتمام

موت کی خبر

جدہ (بیورو رپورٹ) جدہ کی دو معروف سیاسی، سماجی اور مذہبی کشمیری شخصیات، جو خلق خدا کے جذبے اور خدمت سے سرشار تھیں، گذشتہ دنوں کشمیری اور پاکستانی کمیونٹی کو سوگوار چھوڑ کر دنیا فانی سے کوچ کر گئیں.

یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا؟

سردار عبداللطیف عباسی کی خدمات

ان میں سے ایک، کشمیر کاز اور سماجی کاموں میں بڑھ چڑھ کے حصہ لینے والے سردار عبداللطیف عباسی مرحوم تھے، جو نیک سیرت، بااخلاق اور دردِ دل رکھنے والے انسان تھے۔ ان کی زندگی خدمتِ خلق، اخلاص اور دیانت داری کی عملی تصویر تھی۔ وہ ہمیشہ ذاتی مفاد پر اجتماعی بھلائی کو ترجیح دیتے اور ہر فورم پر حق کے ساتھ کھڑے رہتے۔ مرحوم سردار عبداللطیف عباسی اتحادِ ملت کے پیکرِ تھے.

یہ بھی پڑھیں: بلوچستان میں نرسوں کی شدید کمی کا سامنا ہے، ضرورت 10 ہزار اور دستیاب صرف 1700 ہیں، وزیراعلیٰ سرفراز بگٹی

تعزیتی ریفرنس کا اہتمام

سعودی عرب اور پاکستان میں بیشمار فلاحی اداروں کے روح رواں، جموں و کشمیر کمیونٹی اوورسیز کے بانی اراکین مرحوم سردار عبداللطیف عباسی اور مرحوم انجینئر سردار اعظم کی خدمات کے سلسلے میں ان کو خراج تحسین پیش کرنے کے لیے جموں و کشمیر کمیونٹی اوورسیز کی جانب سے تعزیتی ریفرنس کا اہتمام کیا گیا، جس میں جدہ کے ہر مکتبہ فکر کے افراد نے بھر پور شرکت کی.

یہ بھی پڑھیں: میرے غصے سے کسی کا دل دکھا ہے تو معذرت خواہ ہوں مگر میرا غصہ جائز ہے، ابھی تک (عمران خان کو ذاتی معالج تک رسائی کی) چھوٹی سی جائز ڈیمانڈ بھی پوری نہیں کروا سکے، علی امین گنڈا پور

مرحومین کی یاد میں خیالات

جے کے سی او کے سابق چیئرمین سردار اشفاق خان نے مرحومین کی زندگی پر تفصیلی روشنی ڈالی۔ انھوں نے کہا کہ مرحومین نے کشمیر کاز کو محض نعرہ نہیں بلکہ اجتماعی ذمہ داری بنایا، بکھری ہوئی کمیونٹی کو ایک پلیٹ فارم جموں و کشمیر کمیونٹی اوورسیز (جے کے سی او) پر اکٹھا کیا اور اختلافات کے درمیان رشتے جوڑے۔

یہ بھی پڑھیں: ٹرمپ نے پیغام دیا ہے کہ امریکا ایران پر حملہ نہیں کرے گا، ایرانی سفیر رضا امیری مقدم

انجینئر سردار اعظم کی خدمات

دوسری عظیم شخصیت، انجینئر سردار اعظم مرحوم تھے جنہوں نے جدہ میں بہت سے طلباء اور طالبات کو قرآن حفظ کرایا۔ وہ 1960ء کے اواخر میں ایامِ شباب میں سعودی عرب تشریف لائے اور خدمتِ خلق کا چراغ روشن کیا۔ انہوں نے "احباب" نامی تنظیم قائم کی، جس کا مقصد حجاجِ بیت اللّٰہ کی خدمت تھا۔ سردار اعظم نے سعودی عرب میں چار ہزار سے زائد عمارات ڈیزائن کیں جن کی خدمات کے اعتراف میں انھیں لائف ٹائم اچیومنٹ ایوارڈ سے بھی نوازا گیا.

یہ بھی پڑھیں: شاہِ برطانیہ کے قتل کی ناکام کوشش اور بغاوت کی علامت بننے والے سازشیوں کی سزا

تعزیتی تقریب میں شرکت

تعزیتی ریفرنس کی تقریب میں، سردار عبدالطیف عباسی کے فرزند نے اپنے والد کی خوبیوں کو بڑے احسن انداز میں بیان کیا۔ تعزیتی ریفرنس میں دیگر مقررین نے بھی اپنے خیالات کا اظہار کیا، جن میں پریس قونصل جدہ، چیئرمین جموں کشمیر کمیونٹی اوورسیز، اور مختلف جماعتوں کے اراکین شامل تھے.

دعائے مغفرت

تقریب کے آخر میں سردار عبداللطیف، انجینئر سردار اعظم، اور انجینئر شہباز چوہدری کے لیے اجتماعی دعائے مغفرت کی گئی.