جے یو آئی کا 8 فروری 2024 کے متنازع اور بدترین دھاندلی زدہ انتخابات کے خلاف یومِ سیاہ منانے کا فیصلہ
یومِ سیاہ کا اعلان
اسلام آباد (ڈیلی پاکستان آن لائن) جے یو آئی نے 8 فروری 2024 کے متنازع اور بدترین دھاندلی زدہ انتخابات کے خلاف یومِ سیاہ منانے کا فیصلہ کیا ہے۔
یہ بھی پڑھیں: وزیراعلیٰ سندھ کا کچے میں ڈاکوؤں کیخلاف آپریشن تیز اور غیر قانونی ٹینکرز کے خاتمے کا حکم
احتجاج کی تفصیلات
ترجمان اسلم غوری کا کہنا ہے 8 فروری کو ملک بھر میں یومِ سیاہ منائیں گے۔ جمہوریت دن بدن کمزور ہو رہی ہے۔ آئین پاکستان کا مذاق اڑایا جا رہا ہے۔ مولانا فضل الرحمان راولپنڈی میں مرکزی احتجاجی پروگرام سے خطاب کریں گے، اس کے علاوہ تمام صوبائی ہیڈ کوارٹرز میں بھرپور احتجاج کیا جائے گا۔
یہ بھی پڑھیں: آئندہ انتخابات سے متعلق مذاکرات ہوتے ہیں تو خیرمقدم کریں گے: سابق صدر عارف علوی
عوامی ایکشن
اسلم غوری نے مزید کہا کہ غیور عوام حکمرانوں کی قرآن و شریعت کے متصادم آئین سازی کے خلاف احتجاج کریں گے۔ مہنگائی، بے روزگاری، بدامنی، اور لاقانونیت کے خلاف عوام کے شانہ بشانہ ہوں گے۔ عوامی مینڈیٹ پر ڈاکہ قبول نہیں۔ شریعت، آئین اور جمہوریت کے تحفظ کیلئے ہر آئینی، جمہوری اور پرامن راستہ اختیار کریں گے، کارکن تیاری مکمل کریں۔
ٹوئٹر پر بیان
جے یو آئی کا 8 فروری 2024 کے متنازع اور بدترین دھاندلی زدہ انتخابات کے خلاف یومِ سیاہ منانے کا فیصلہ
8 فروری کو ملک بھر میں یومِ سیاہ منائیں گے۔ اسلم غوری
جمہوریت دن بدن کمزور ہو رہی ہے۔ ترجمان جےیوآئی
آئین پاکستان کا مذاق اڑایا جا رہا ہے۔ اسلم غوری
مولانا فضل الرحمان…
— Jamiat Ulama-e-Islam Pakistan (@juipakofficial) January 26, 2026
