خیبرپختونخوا اسمبلی میں پاکستان کے بورڈ آف پیس میں جانے کیخلاف قرارداد منظور

پشاور میں قرارداد کی منظوری

پشاور (ڈیلی پاکستان آن لائن) خیبرپختونخوا اسمبلی میں پاکستان کے بورڈ آف پیس میں جانے کے خلاف قرارداد منظور کر لی گئی۔

یہ بھی پڑھیں: ہندو باورچی چولہے کے پاس سے روٹی پھینکتا اور ہم کونے میں بیٹھے دبوچتے، یہ تھی مسلمان سے نفرت جو پاکستان کے معرض وجود میں آنے کا سبب بنی

قرارداد کا پس منظر

صوبائی وزیر قانون آفتاب عالم آفریدی نے پاکستان کے بورڈ آف پیس میں جانے کے خلاف قرارداد پیش کی۔ قرارداد کے مطابق امریکہ اور اسرائیل کے بنائے گئے بورڈ آف پیس میں پاکستان کی شمولیت کو مسترد کیا جاتا ہے اور یہ کہنا ہے کہ بورڈ آف پیس کی تشکیل اقوام متحدہ کی سیکیورٹی کونسل میں پاس قرارداد کے منافی ہے۔

یہ بھی پڑھیں: فیصل آباد اور ساہیوال کے 5 حلقوں میں ضمنی انتخابات کے انعقاد کیلئے نیا شیڈول جاری

غزہ کی لیڈر شپ کا نظر انداز ہونا

’’جیو نیوز‘‘ کے مطابق قرارداد میں کہا گیا ہے کہ بورڈ آف پیس میں غزہ کی لیڈر شپ کو نظر انداز کیا گیا، فلسطینی ریاست کے قیام کو پس پشت ڈال کر اسرائیل کے عزائم کو تقویت دینے کی سازش ہے۔ پاکستان کا اصولی مؤقف ہے کہ اسرائیل کو تسلیم نہیں کیا جائے گا۔

وفاقی حکومت سے مطالبات

قرارداد میں وفاقی حکومت سے مطالبہ کیا گیا ہے کہ وہ فلسطین اور غزہ کی خودمختاری کی حمایت جاری رکھے اور اسرائیلی مظالم کے خلاف دو ٹوک اور اصولی مؤقف اختیار کرے۔