پشین میں سی ٹی ڈی کی کارروائی، 6 دہشتگرد ہلاک، 10 اہلکار زخمی

پشین میں سی ٹی ڈی کی کارروائی

کوئٹہ (ڈیلی پاکستان آن لائن) - پشین میں سی ٹی ڈی کی کارروائی کے نتیجے میں 6 دہشتگرد ہلاک ہوئے ہیں اور 10 اہلکار زخمی ہونے کی اطلاعات ہیں۔

یہ بھی پڑھیں: ڈونلڈ ٹرمپ کی امریکہ کی ایران کو سویلین جوہری پروگرام کی تعمیر کیلئے 30 بلین ڈالر دینے کی خبروں کی سختی سے تردید

پریس کانفرنس کی تفصیلات

’’جنگ‘‘ کی رپورٹ کے مطابق، کوئٹہ میں وزیراعلیٰ کے سیاسی اور میڈیا امور کے معاون شاہد رند اور ڈی آئی جی سی ٹی ڈی اعتزاز گورایہ نے ایک پریس کانفرنس میں گفتگو کی۔

یہ بھی پڑھیں: سیالکوٹ: ڈسکہ روڈ پر تیز رفتار کار کھڑی ٹریکٹر ٹرالی سے ٹکرا گئی، 5 افراد جاں بحق

آپریشن کی کامیابی

ڈی آئی جی سی ٹی ڈی نے بتایا کہ پشین میں کی جانے والی کارروائی کے دوران راکٹ لانچرز، کلاشنکوف، ہینڈ گرینیڈ، اور دھماکا خیز مواد بھی برآمد ہوا۔ انہوں نے کہا کہ مجموعی طور پر یہ آپریشن کامیاب رہا ہے، اور مستقبل میں مزید ملوث افراد کے خلاف کارروائی کی جائے گی۔

یہ بھی پڑھیں: گھریلو صارفین کو صبح 5 بجے سے رات 10 بجے تک بلاتعطل گیس فراہمی کی ہدایت

سرنڈر کا پیغام

اعتزاز گورایہ نے کہا کہ پشین میں جہاں کارروائی کی گئی، وہاں فتنہ الخوارج کے لوگوں کا آنا جانا تھا۔ انہوں نے مزید کہا کہ آپریشن سے پہلے وہاں سرنڈر کرنے کا پیغام پہنچایا گیا تھا، اور جب انہوں نے سرنڈر نہیں کیا تو مجبوراً کارروائی کی گئی۔

وزیراعلیٰ کی تنبیہ

اس موقع پر، شاہد رند نے زور دیا کہ وزیراعلیٰ کی جانب سے دہشتگردوں اور سہولت کاروں کے خلاف کاروائی کی تنبیہ کی گئی ہے اور سیاسی دباؤ کو نظرانداز کیا جائے گا۔