واٹس ایپ محفوظ نہیں ہے، سگنل بھی مشکوک ہیں اس لیئے ایکس چیٹ استعمال کریں۔ ایلون مسک نے حیران کن پیغام جاری کر دیا

ایلون مسک کی واٹس ایپ پر تنقید

نیویارک (ڈیلی پاکستان آن لائن) ٹیسلا اور اسپیس ایکس کے چیف ایگزیکٹو ایلون مسک نے میٹا کی ملکیت والے واٹس ایپ کو ڈیٹا سیکیورٹی کے حوالے سے تنقید کا نشانہ بنایا اور صارفین سے کہا کہ وہ ایکس چیٹ استعمال کریں۔

یہ بھی پڑھیں: پانی کی تقسیم کا مسئلہ وفاق کو خطرے میں ڈال سکتا ہے ، بلاول بھٹو

مقدمہ اور دعوے

ایلون مسک کی یہ پوسٹ میٹا کے خلاف دائر ایک مقدمے کے تناظر میں سامنے آئی ہے جس میں واٹس ایپ کی پرائیویسی اور سیکیورٹی سے متعلق دعوؤں کو چیلنج کیا گیا ہے۔

یہ بھی پڑھیں: ریکھا مجھ سے حسد کرتی اور میرے کردار چھیننے کی کوشش کرتی تھی” موسمی چیٹرجی کا دعویٰ

ایکس چیٹ کی تجویز

ایلون مسک نے ایکس (سابقہ ٹوئٹر) پر لکھا ’واٹس ایپ محفوظ نہیں ہے۔ حتیٰ کہ سگنل بھی مشکوک ہے۔ ایکس چیٹ استعمال کریں‘۔

یہ بھی پڑھیں: اے این ایف: بھاری مقدار میں منشیات برآمد ، 17 ملزمان گرفتار

صارفین کے خدشات

مسک نے یہ تبصرہ ایک صارف کی پوسٹ کے جواب میں کیا، جس میں دعویٰ کیا گیا تھا کہ واٹس ایپ اپنے صارفین کی نجی چیٹس پڑھ سکتا ہے، حالانکہ کمپنی اینڈ ٹو اینڈ انکرپشن کا وعدہ کرتی ہے۔

یہ بھی پڑھیں: ایران کے تمام ۳۱ صوبوں میں شدید احتجاج شروع کیسے ہوا؟

مقدمے کے مدعیان

بلومبرگ کی رپورٹ کے مطابق مقدمہ دائر کرنے والے مدعیان کا تعلق بھارت، آسٹریلیا، برازیل، میکسیکو اور جنوبی افریقہ سے ہے۔ مدعیان نے الزام عائد کیا ہے کہ میٹا اور واٹس ایپ صارفین کی نجی گفتگو کو محفوظ کرتے، تجزیہ کرتے اور اس تک رسائی رکھتے ہیں اور اس طرح اربوں صارفین کو دھوکہ دیا گیا۔

یہ بھی پڑھیں: ٹرمپ انتظامیہ کی امیگریشن پالیسیز کے خلاف احتجاج کا سلسلہ نیشنل فٹبال کے فائنل تک پہنچ گیا

واٹس ایپ کا دفاع

واٹس ایپ کا کہنا ہے کہ اس کی اینڈ ٹو اینڈ انکرپشن کی بدولت پیغامات صرف بھیجنے والے اور وصول کرنے والے تک محدود رہتے ہیں۔ میٹا کے ترجمان اینڈی اسٹون نے اس مقدمے کو ’فضول اور بے بنیاد‘ قرار دیتے ہوئے کہا کہ کمپنی قانونی کارروائی کے ذریعے مدعیان کے وکلا کے خلاف پابندیاں حاصل کرے گی۔

میٹا کی ملکیت اور انکرپشن

واضح رہے کہ میٹا نے 2014 میں واٹس ایپ کو خرید لیا تھا، اور اینڈ ٹو اینڈ انکرپشن گزشتہ ایک دہائی سے اس کا حصہ ہے۔