ڈاکوؤں کا زیرِ زمین بنکر اور 33 ٹھکانے تباہ، کچے کا 90 فیصد علاقہ کلیئرکرانے کا دعویٰ

رحیم یار خان میں پولیس کی کارروائیاں

رحیم یار خان (ڈیلی پاکستان آن لائن) ڈی پی او رحیم یار خان نے دعویٰ کیا ہے کہ کچے کا 90 فیصد علاقہ کلیئر کرلیا گیا ہے۔
’’جیو نیوز‘‘ کے مطابق ڈی پی او عرفان سموں نے بتایا کہ پنجاب اور سندھ کے کچے میں پولیس کا ڈاکوؤں کے خلاف آپریشن جاری ہے۔ ڈرون کارروائی میں ڈاکوؤں کا زیرِ زمین بنکر اور ڈاکوؤں کے 33 ٹھکانے تباہ کیے گئے ہیں۔

یہ بھی پڑھیں: پولینڈ کے نائب وزیراعظم و وزیر خارجہ 2 روزہ دورے پر پاکستان پہنچ گئے

راجن پور میں کامیاب کارروائیاں

دوسری جانب ڈی پی او راجن پور کے مطابق انتہائی مطلوب 8 ڈاکو ہلاک کردیئے گئے ہیں۔

نئی پولیس چیک پوسٹس کی منصوبہ بندی

حکام کا کہنا ہے کہ کچے کے نوگو علاقوں میں پولیس چیک پوسٹس قائم کی جارہی ہیں، جبکہ نوگو ایریاز کلیئر ہونے کے بعد وہاں سکول اور ہسپتال قائم کیے جائیں گے۔