بھارت سے نیپاہ وائرس کا پھیلاؤ، پاکستان کا انتباہ، ایڈوائزری جاری کر دی

نیپا ہ وائرس کے پھیلاؤ کا انتباہ

اسلام آباد (ڈیلی پاکستان آن لائن) وفاقی وزارت صحت نے بھارت سے جان لیوا نیپا ہ وائرس کے پھیلاؤ سے متعلق انتباہ اور ایڈوائزری جاری کردی ہے۔

یہ بھی پڑھیں: سوشل میڈیا پر دوستی محبت میں تبدیل، امریکی خاتون نے جھنگ کے نوجوان سے شادی کرلی

سکریننگ کی ہدایات

’’جنگ‘‘ کے مطابق وزارت صحت نے انتباہ اور ایڈوائزری میں ملک بھر کے ہوائی اڈوں، بندرگاہوں اور زمینی سرحدوں پر سخت سکریننگ کی ہدایت کی ہے۔ ایڈوائزری میں پاکستان آنے والے اور ٹرانزٹ مسافروں کی 100 فیصد سکریننگ لازمی قرار دی گئی ہے۔

تھرمل سکریننگ اور طبی معائنہ ہر مسافر کے لئے لازمی ہوگا۔ مسافروں کی گزشتہ 21 دن کی مکمل ٹریول ہسٹری کی تصدیق کی جائے گی۔ نیپا ہ سے متاثرہ یا ہائی رسک علاقوں سے آنے والے مسافروں کی خصوصی نگرانی کی جائے گی۔ نیپاہ کی مشتبہ علامات پر متاثرہ شخص کو فوری آئسولیٹ کیا جائےگا، بغیر کلیئرنس کسی مسافر کو پاکستان میں داخلے کی اجازت نہیں ہوگی۔

وضع کردہ احتیاطی تدابیر

حکام کے مطابق پاکستان میں تاحال نیپا ہ کا کوئی تصدیق شدہ کیس رپورٹ نہیں ہوا ہے جبکہ بھارتی ریاست مغربی بنگال میں نیپاہ وائرس کے 5 کیسز رپورٹ ہوئے ہیں۔ بھارت سے جان لیوا نیپا ہ وائرس کا پھیلاؤ روکنے کے لیۓ تھائی لینڈ، ملائیشیا، ہانگ کانگ، سنگاپور اور نیپال نے بھی اقدامات کیے ہیں، سرحدوں اور ایئر پورٹس پر سکریننگ شروع کر دی ہے۔