لاہور، گٹر میں ماں بیٹی کے گرنے کا واقعہ، منصوبے پر کام کرنے والی پوری ٹیم ہی معطل

لاہور (زین بابو) بھاٹی چوک میں ماں اور بچی کے مین ہول میں گر کر جاں بحق ہونے کے معاملے میں ڈی جی ایل ڈی اے نے داتا دربار منصوبے پر کام کرنے والی پوری ٹیم معطل کر دی۔ معطل کیے جانے والے افسران میں پراجیکٹ ڈائریکٹر، ڈپٹی ڈائریکٹر، اسسٹنٹ ڈائریکٹر اور سب انجینئر شامل ہیں۔

یہ بھی پڑھیں: سمندر پار پاکستانی مسلم لیگ ن کے لیے انتہائی اہم ہیں، چوہدری طارق سبحانی

معطلی کی تفصیلات

تفصیل کے مطابق قبل ازیں پراجیکٹ ڈائریکٹر اور ڈپٹی ڈائریکٹر کو معطل کیا گیا تھا جبکہ ڈی جی ایل ڈی اے نے کنٹریکٹر پر فوری مقدمہ درج کرانے کی ہدایت بھی کردی۔ ذرائع نے بتایاکہ ڈی جی ایل ڈی اے کی ہدایت پر کنٹریکٹر اور پراجیکٹ پر کام کرنے والی نجی کمپنی کو شو کاز نوٹس جاری کردی گئی جبکہ ریزیڈنٹ انجینئر نیسپاک کو بھی شو کاز نوٹس جاری کیا گیا۔

انکوائری اور کارروائی

ترجمان ایل ڈی اے نے بتایا کہ نیسپاک کے ریزیڈنٹ انجینئر کی معطلی اور محکمانہ کارروائی و انکوائری کی سفارش بھی کردی گئی۔ اس کے علاوہ منصوبے میں نیسپاک ٹیم کے کردار کو بھی انکوائری کا حصہ بنانے کا فیصلہ بھی کیا گیا۔