ٹی 20 ورلڈ کپ: بنگلادیش کے تنازع پر سری لنکا کا ردعمل سامنے آ گیا
سری لنکا کا واضح مؤقف
کولمبو (ڈیلی پاکستان آن لائن) آئی سی سی ٹی ٹوئنٹی ورلڈ کپ 2026ء سے متعلق بنگلا دیش اور آئی سی سی کے درمیان جاری تنازع پر آخر کار سری لنکا نے خاموشی توڑ دی۔ شریک میزبان ہونے کے باوجود سری لنکا نے علاقائی سیاسی کشیدگی سے دور رہنے کا واضح مؤقف اختیار کیا ہے۔
یہ بھی پڑھیں: ڈونلڈ ٹرمپ نے کینیڈا کو چین سے تجارتی معاہدے کی صورت میں 100 فیصد ٹیرف عائد کرنے کی دھمکی دے دی
تنازع کی وجہ
آئی سی سی ٹی20 ورلڈ کپ 2026ء کے معاملے پر بنگلا دیش اور انٹرنیشنل کرکٹ کونسل (آئی سی سی) کے درمیان تنازع 3 ہفتوں تک جاری رہا۔
یہ بھی پڑھیں: فلم میں زیادتی کا سین شوٹ کیا گیا تو مجھے ۔۔ بالی ووڈ اداکارہ کا حیران کن انکشاف
بنگلا دیش کی درخواست
بنگلا دیش نے سیکیورٹی خدشات کا حوالہ دیتے ہوئے بھارت میں شیڈول اپنے میچز سری لنکا منتقل کرنے کی درخواست کی تھی۔ بنگلا دیش کو ابتدائی مرحلے میں کولکتہ اور ممبئی میں 4 میچز کھیلنے تھے۔
یہ بھی پڑھیں: آسٹریلیا کے خلاف میچ کے بعد سپنر عثمان طارق مشکل میں پڑ گئے
آئی سی سی کا فیصلہ
آئی سی سی نے یہ درخواست مسترد کرتے ہوئے بنگلا دیش کو 24 گھنٹے کا حتمی الٹی میٹم دیا تاہم بنگلا دیش اپنے مؤقف پر قائم رہا، نتیجتاً آئی سی سی نے بنگلا دیش کو ٹورنامنٹ سے باہر کر کے اس کی جگہ سکاٹ لینڈ کو شامل کر لیا۔
یہ بھی پڑھیں: آغا خان کو مصریوں سے بڑا لگاؤ تھا، انہوں نے اسوان میں فلاح و بہبود کے کئی منصوبے مکمل کئے، وہ یہاں بڑی عزت اور احترام سے دیکھے جاتے ہیں
سری لنکا کا غیر جانبدار رہنے کا فیصلہ
ان حالات میں ٹی ٹوئنٹی ورلڈ کپ کا شریک میزبان سری لنکا کافی عرصے سے خاموش تھا تاہم اب اس کے کرکٹ سیکرٹری بندولا ڈسانائیکے نے غیر ملکی خبر رساں ادارے کو بتایا ہے کہ سری لنکا علاقائی تنازعات میں فریق نہیں بننا چاہتا۔
یہ بھی پڑھیں: چار ہفتوں کی شادی میں 6 ہفتے کا حمل، بلال قطب نے کالر کا مسئلہ حل کردیا
دوست ممالک کا حوالہ
بندولا ڈسانائیکے کے مطابق بھارت، پاکستان اور بنگلا دیش سری لنکا کے دوست ممالک ہیں اسی لیے کولمبو غیر جانبدار رہنے کو ترجیح دے گا۔
یہ بھی پڑھیں: بلوچستان میں امن و امان سمیت اور بھی بہت سے مسائل ہیں، سلیم مانڈوی والا
مستقبل کے امکانات
انہوں نے کہا کہ اگر مستقبل میں کوئی بھی ملک میچز یا ٹورنامنٹس کی میزبانی کے لیے سری لنکا سے رجوع کرے تو اس پر غور کیا جائے گا۔ یہ بات بھی قابل ذکر ہے کہ پاکستان اور بھارت کے درمیان جاری سیاسی کشیدگی کے باعث دونوں ٹیمیں ایک دوسرے کے خلاف میچز غیر جانبدار مقامات پر کھیلتی ہیں۔
یہ بھی پڑھیں: ہمایوں سعید نے اپنی ازدواجی زندگی کے دلچسپ اور انوکھے پہلوؤں سے راز اٹھا دیا
پاکستان کے میچز
یہی وجہ ہے کہ پاکستان اپنے ٹی20 ورلڈ کپ 2026ء کے میچز سری لنکا میں کھیلے گا جن میں بھارت کے خلاف میچ بھی شامل ہے۔
یہ بھی پڑھیں: وزیر اعلیٰ سندھ کا دریائے سندھ پر نئے سکھر-روہڑی پل بنانے کا فیصلہ
ٹورنامنٹ کی تیاری
سری لنکا کے وزیرِ کھیل سنیل کمارا گامگے نے کہا ہے کہ ٹورنامنٹ کے پُرامن اور کامیاب انعقاد کو اولین ترجیح دی جا رہی ہے اور پاک بھارت میچز پر خصوصی توجہ مرکوز کیے ہوئے ہیں۔
ٹورنامنٹ کی تاریخیں
واضح رہے کہ ٹی20 ورلڈ کپ 2026ء کا آغاز 7 فروری کو ہو گا جبکہ فائنل میچ 8 مارچ کو کھیلا جائے گا۔
