فوجی فاؤنڈیشن قومی ایئر لائن خریدنے والے عارف حبیب کنسورشیم کا حصہ نہیں ہے، سیکریٹری نجکاری کمیشن

سیکریٹری نجکاری کمیشن کی وضاحت

اسلام آباد(ڈیلی پاکستان آن لائن) سیکریٹری نجکاری کمیشن نے واضح کیا کہ فوجی فاؤنڈیشن قومی ایئرلائن خریدنے والے عارف حبیب کنسورشیم کا حصہ نہیں ہے۔ سینیٹ کی قائمہ کمیٹی نجکاری کا اجلاس سینیٹر افنان اللّٰہ خان کی سربراہی میں ہوا، اس موقع پر سیکریٹری نجکاری نے بریفنگ دی اور بتایا کہ قومی ایئرلائن کے 25 فیصد شیئرز حکومت کے پاس ہیں۔

یہ بھی پڑھیں: بنگلادیش نے 1971 کے بعد پہلی بار پاکستانی حکام کے لیے ویزا کی شرط ختم کردی

عارف حبیب کنسورشیم کا کردار

انہوں نے بتایا کہ عارف حبیب کنسورشیم کے پاس کاروبار چلانے کا وسیع تجربہ ہے، فوجی فاؤنڈیشن ان کا حصہ نہیں ہے جبکہ قومی ایئر لائن کے 25 فیصد شیئرز حکومت کے پاس ہیں، جن کی ویلیو 45 ارب روپے ہے۔ سیکریٹری نجکاری نے مزید کہا کہ عارف حبیب کنسورشیم نے امریکی ایوی ایشن کنسلٹنسی فرم کو ہائیر کیا، قومی ایئرلائن کا فنانشل کلوز 3 ماہ میں ہوگا، خلیجی ممالک کے ساتھ معاہدوں کو تبدیل کیا جائے گا۔

یہ بھی پڑھیں: ملیر جیل سے فرار ہونے والا ملزم پنجاب سے گرفتار

مالی سرمایہ کاری کی تفصیلات

ان کا کہنا تھا کہ عارف حبیب کنسورشیم 125 ارب روپے پی آئی اے میں انویسٹ کرے گا اور 3 ماہ میں 10 ارب روپے حکومت کو جمع کرائے گا۔ سیکریٹری نجکاری نے کہا کہ قومی ایئرلائن کی کل ویلیو 9 ارب روپے ہے، فنانشل کلوز ہونے پر قومی ایئرلائن کی ویلیو 180 ارب روپے ہوجائے گی، ایئر لائن کا بزنس پلان 1 ماہ میں پیش کیا جائے گا، اس کے جہاز 4 سال میں 40 ہوجائیں گے۔

یہ بھی پڑھیں: نجی سکول میں بچی پر مبینہ تشدد، والد نے تھانہ شاہدرہ میں درخواست دیدی

ایئرلائن کی بندش کی قیمت

انہوں نے کہا کہ قومی ایئرلائن کو بند کرنے کی قیمت 200 سے 300 ارب روپے ہوتی، اگر ایئر لائن کو بند کیا جاتا تو تمام واجبات حکومت کو ادا کرنا پڑتے اور اس کے پنشنرز کو 34 ارب روپےکی ادائیگی بھی حکومت کو ادا کرنا پڑتی۔

یہ بھی پڑھیں: فلمساز جمشید محمود عرف جامی کو ہتکِ عزت کے کیس میں 2 سال قید کی سزا سنادی گئی

ایئرپورٹس کی نجکاری پر گفتگو

دوران اجلاس افنان اللّٰہ خان نے کہا کہ اسلام آباد ایئر پورٹ کی نجکاری کردیں یا سہولیات بہتر کریں، کراچی ایئر پورٹ پر چوہے گھومتے ہیں، حکومت ان ائیر پورٹس کی نجکاری کرے گی۔ سینیٹر پلوشہ خان نے کہا کہ کیا اب حکومت خود کوئی کام نہیں کرسکتی؟ وہ سارے باہر والے کریں گے، پارلیمنٹ میں بھی ہاتھی نہیں چوہے گھومتے رہتے ہیں۔

یہ بھی پڑھیں: گجرات: اشتہاری ملزمان کی فائرنگ سے ایلیٹ فورس کا جوان شہید

بین الاقوامی دلچسپی

انہوں نے مزید کہا کہ سعودی عرب، ترکیے، یو اے ای کی کمپنیاں ایئر پورٹس چلانے میں دلچسپی رکھتی ہیں، ایشیائی ترقیاتی بینک بھی ایئرپورٹس کی آوٹ سورسنگ میں مدد میں دلچسپی رکھتا ہے، بڑے ایئرپورٹس کی آؤٹ سورسنگ سے چھوٹے ایئر پورٹس کو زیادہ بہتر کیا جا سکے گا۔

یہ بھی پڑھیں: موسلادھار بارش کے بعد سیلابی صورتحال، چکری روڈ پر پاکستان آرمی کا بذریعہ ہیلی کاپٹر ریسکیو آپریشن، پاک فوج زندہ باد کے نعرے

حکومتی جواب دہی

دوران اجلاس سینیٹر عمر فاروق نے کہا کہ ہمیں قومی ایئرلائن کی نجکاری کے طریقہ کار پر اعتراض ہے۔ چیئرمین کمیٹی نے جواب دیا کہ قومی ایئر لائن کا سالانہ 100 ارب کا نقصان تھا، اب نجکاری پر اعتراض کر رہے ہیں، حکومت کا 17 ہزار ارب روپے مجموعی بجٹ ہے، 900 ارب روپے بچ جائیں تو بڑی بات ہوگی۔

بڈنگ اور نگرانی کی تفصیلات

سیکریٹری نجکاری نے شرکاء کو بتایا کہ قومی ایئر لائن کے کسی بڈرز کو کوئی رعایت نہیں دی گئی، عارف حبیب گروپ کے خلاف سپریم کورٹ میں درخواست زیر التوا ہے، یہ درخواست کسی کو نا اہل قرار دینے کی بنیاد نہیں ہے۔ سیکریٹری نجکاری نے مزید کہا کہ قومی ایئرلائن کے بڈرز کی فنانشل مینجمنٹ یونٹ سے اسکروٹنی کرائی گئی، ورلڈ بینک، ایف بی آر اور دیگر اداروں سے رپورٹ مانگی گئی۔