پاکستان کا بھارت میں جوہری، تابکاری مواد کی چوری اور فروخت پر اظہار تشویش

پاکستان کی تشویش

نیویارک (ڈیلی پاکستان آن لائن) پاکستان نے ہمسایہ ملک بھارت میں جوہری، تابکاری مواد کی چوری اور فروخت پر شدید تشویش کا اظہار کیا ہے۔

یہ بھی پڑھیں: باراتیوں کی گاڑی کو حادثہ، 6 مسافر جاں بحق، 13 زخمی

کیلیفورنیم کی چوری

اقوام متحدہ میں پاکستان کے مستقل مندوب منیر اکرم نے کہا کہ انتہائی تابکار، زہریلا مادہ کیلیفورنیم (Californium) ایک گروپ کی غیر قانونی ملکیت میں پایا گیا۔

منیر اکرم نے کہا کہ اسی ملک میں 2021 میں بھی کیلیفورنیم کی چوری کے 3 واقعات رپورٹ ہوئے تھے۔

تحقیقات کا مطالبہ

پاکستانی مندوب نے سلامتی کونسل سے ان واقعات کی مکمل تحقیقات کا مطالبہ کیا ہے۔ انھوں نے کہا کہ پاکستان نے اقوام متحدہ کی قرارداد کے تحت اپنے فرائض کامیابی سے مکمل کیے، مضبوط کمانڈ اور کنٹرول سسٹم قائم کیا۔