ٹرمپ پر قاتلانہ حملہ کرنے کی کوشش کرنے والے شخص کو عمر قید کی سزا

عدالتی فیصلہ

نیویارک (ڈیلی پاکستان آن لائن) ڈونلڈ ٹرمپ پر قاتلانہ حملہ کرنے کی کوشش کرنے والے شخص کو عدالت نے عمر قید کی سزا سنادی۔

یہ بھی پڑھیں: چین پاکستان کا آئرن برادر ہے، اسحاق ڈار سے ملاقات میں چینی وزیر کا عزم

حملے کی کوشش کی تفصیلات

غیر ملکی میڈیا رپورٹس کے مطابق ریان راؤتھ نامی شخص نے 2024 کے صدارتی انتخابات سے 2 ماہ قبل ڈونلڈ ٹرمپ پر قاتلانہ حملہ کرنے کی کوشش کی تھی۔

یہ بھی پڑھیں: پاکستان کو ترکیہ، سعودی عرب اور امریکا کے ساتھ تعاون بڑھانا چاہیے، مفتی منیب الرحمان

منصوبہ بندی اور ندامت کا عدم اظہار

استغاثہ کے مطابق ملزم نے کئی ماہ تک اس حملے کی منصوبہ بندی کی اور اپنے اقدام پر کسی قسم کے پچھتاوے یا ندامت کا اظہار نہیں کیا۔

یہ بھی پڑھیں: نوشہرہ: نجی ہسپتال میں آتشزدگی سے 3 نومولود جھلس کر جاں بحق

عدالتی سزا کا اعلان

59 سالہ ریان راؤتھ کو فلوریڈا کے شہر فورٹ پیئرس میں امریکی ضلعی جج ایلین کینن نے عمر قید کی سزا سنائی۔ جیوری نے گزشتہ برس ستمبر میں ریان راؤتھ کو 5 سنگین الزامات میں مجرم قرار دیا تھا، جن میں ٹرمپ کو قتل کرنے کی کوشش بھی شامل تھی۔

یہ بھی پڑھیں: دور آتی جاتی گاڑی دیکھ کر ایسا محسوس ہوتا جیسے پٹری پر سے اتر کر گہرے پانیوں میں داخل ہو گئی ہے اور اب لہروں سے لڑتی تیرتی سفر جاری رکھے ہوئے ہے۔

دفاع اور درخواست

ملزم نے مقدمے کی سماعت کے دوران بحیثیت وکیل اپنا دفاع خود کیا تھا۔ استغاثہ نے عدالت سے عمر قید کی سفارش کی تھی، جبکہ ریان راؤتھ نے جج سے 27 سال قید کی سزا دینے کی درخواست کی۔

یہ بھی پڑھیں: ستاروں کی روشنی میں آپ کا آج (پیر) کا دن کیسا ہوگا؟

جرم کی سنگینی

پراسیکیوٹرز نے عدالتی دستاویزات میں کہا کہ ریان راؤتھ کے جرائم بلا شبہ عمر قید کے مستحق ہیں، کیونکہ اس نے کئی ماہ تک قتل کی منصوبہ بندی کی، وہ راستے میں آنے والے کسی بھی شخص کو قتل کرنے پر آمادہ تھا اور اس نے نہ تو افسوس کا اظہار کیا اور نہ ہی ندامت دکھائی۔

گرفتاری کی تفصیلات

ریان راؤتھ کو ہوائی سے گرفتار کیا گیا تھا، اس سے قبل وہ نارتھ کیرولائنا میں مقیم تھا۔ اسے غیر قانونی طور پر اسلحہ رکھنے کے 3 الزامات اور گرفتاری کے دوران ایک وفاقی افسر کی راہ میں رکاوٹ ڈالنے کے جرم میں بھی مجرم قرار دیا گیا ہے۔