ترلائی کلاں خودکش حملے کی تحقیقات میں اہم پیش رفت، افغانی داعش ماسٹر مائنڈ سمیت 4 سہولت کار گرفتار

اسلام آباد میں خودکش حملے کی تحقیقات

اسلام آباد (ڈیلی پاکستان آن لائن) ترلائی کلاں خودکش حملے کی تحقیقات میں اہم پیش رفت ہوئی ہے، افغانی داعش ماسٹر مائنڈ سمیت 4 سہولت کار گرفتار کرلیے گئے۔

یہ بھی پڑھیں: نیشنل بینک میں متوفی ملازمین کے بچوں کی ملازمت سے متعلق ہائی کورٹ کا فیصلہ کالعدم قرار

گرفتاریوں کی تفصیلات

’’جنگ‘‘ کے مطابق تکنیکی، انسانی انٹیلی جنس کی بنیاد پر خیبر پختونخوا کے اضلاع پشاور اور نوشہرہ میں مربوط کارروائیاں کی گئیں۔ ان کارروائیوں کے نتیجے میں خودکش حملے کے 4 سہولت کاروں کے ساتھ افغان داعش ماسٹر مائنڈ بھی گرفتار کیا گیا۔

یہ بھی پڑھیں: الیکٹرانک جنگ: مہنگے ہتھیاروں کو ناکارہ کرنے کا ایک سستا روسی طریقہ جو نیٹو افواج کو بھی حیرت میں ڈال دیا

وزارت داخلہ کا بیان

وزارت داخلہ کا کہنا ہے کہ شواہد سے واضح ہے کہ حملے کی منصوبہ بندی، تربیت اور ذہن سازی داعش نے افغانستان میں کی۔ افغان طالبان کی سرپرستی میں دہشت گردی کا گٹھ جوڑ علاقائی امن کے لیے بدستور سنگین خطرہ ہے۔

یہ بھی پڑھیں: کیا پاکستانیوں کو بجٹ اچھا لگا یا برا؟ عوام کی رائے جانیے

سیکیورٹی فورسز کی مہم

وزارت داخلہ کا کہنا ہے کہ دہشت گردوں کے خلاف کارروائیوں کے دوران قانون نافذ کرنے والے ادارے کا ایک اہلکار شہید اور 4 زخمی ہوئے۔ انٹیلی جنس پر مبنی کارروائیاں جاری ہیں اور دہشت گردی کے خلاف سیکیورٹی فورسز کا عزم غیر متزلزل ہے۔

اسلام آباد دھماکے کا خمیازہ

واضح رہے کہ وفاقی دارالحکومت اسلام آباد میں مسجد اور امام بارگاہ کے اندر گزشتہ روز ہونے والے خودکش دھماکے کے نتیجے میں 33 افراد شہید اور 170 سے زائد زخمی ہو گئے۔