کراچی: پولیس کا جماعت اسلامی کی پریس کانفرنس پر دھاوا، ایم پی اے سمیت متعدد رہنما گرفتار

کراچی میں جماعت اسلامی کے رہنما گرفتار

کراچی (ڈیلی پاکستان آن لائن) پولیس نے جماعت اسلامی کراچی کے قائم مقام امیر مسلم پرویز، رکن سندھ اسمبلی محمد فاروق سمیت دیگر رہنماؤں کو گرفتار کر لیا ہے۔

یہ بھی پڑھیں: پاکستان عالمی سطح پر ابھرتی معیشتوں میں سرفہرست، بلوم برگ کی رپورٹ جاری

پریس کانفرنس کا اعلان

نجی ٹی وی چینل ایکسپریس نیوز کے مطابق، جماعت اسلامی نے 8 فروری کے عام انتخابات کے حوالے سے الیکشن کمیشن سندھ کے دفتر کے باہر عوامی پریس کانفرنس کا اعلان کیا تھا۔

یہ بھی پڑھیں: 27 ویں آئینی ترمیم سے جمہوریت مضبوط ہو گی، حکومتی سینیٹرز

پولیس کی مداخلت

پولیس کی جانب سے پریس کانفرنس کے لیے لگایا گیا ٹینٹ بھی اکھاڑ دیا گیا۔ جماعت اسلامی کے رہنماؤں نے جیسے ہی پریس کانفرنس کا آغاز کیا، پولیس نے انہیں روک دیا۔

یہ بھی پڑھیں: افغان وزرا اور بھارتی افغان سوشل میڈیا ہمارے خلاف الزام تراشی کے بجائے علما کرام کا وفد طے کرے، علامہ طاہر اشرفی

گرفتاری اور حالات

ترجمان جماعت اسلامی کے مطابق پریس کانفرنس کے دوران رہنماؤں کو گرفتار کیا گیا، جبکہ پولیس نے الیکشن کمیشن آفس کے باہر تمام دکانیں اور ہوٹلز بھی بند کرادیے۔

گرفتار ہونے والوں کی فہرست

ترجمان کے مطابق گرفتار ہونے والوں میں جماعت اسلامی کراچی کے قائم مقام امیر مسلم پرویز، رکن سندھ اسمبلی محمد فاروق، امرائے اضلاع سفیان دلاور، مدثر حسین انصاری ودیگر ذمہ داران شامل ہیں۔