ایشیا غربت کے کلچر میں قید ہے، کارل مارکس نے برصغیر کے بارے میں لکھا کہ یہ علاقہ آخری علاقہ ہو گا جہاں معاشی انقلاب یا تبدیلی آئے گی۔

مصنف کی تفصیلات

مصنف: رانامیر احمد خاں
قسط: 301
سید فراست علی چیف ایگزیکٹو سنٹر فار چینج کراچی

یہ بھی پڑھیں: رشتے، پیار اور زندگی کے ہوتے ہیں، اچھا وقت جہاں گزرا ہو وہاں سے الوداع ہوتے دکھ زیادہ اور خوشی کم ہوتی ہے، آنکھوں میں نمی اور آواز بھر جاتی ہے۔

تعلیم اور تحریک

میں نے انگلینڈ میں زرعی اکنامکس پڑھی ہے اور چائنا کی زرعی اکنامکس پڑھتے ہوئے میرے ذہن میں انقلاب پیدا ہوا۔ 1981ء میں افغان جنگ کاآغاز ہوا تو پاکستان کے حالات میں زبردست تبدیلی شروع ہوئی۔ اس سے مجھے تحریک ہوئی اور میں نے فیصلہ کیا کہ مجھے پاکستان کے لیے کردار ادا کرنا چاہیے۔

یہ بھی پڑھیں: پرل ون کورٹ یارڈ بحریہ ٹاؤن کی کنسٹرکشن کہاں تک پہنچی، یہ کب مکمل ہوگی اے بی ایس ڈیویلپرز نے اعلان کر دیا

پاکستان کی بین الاقوامی امداد اور خودداری

اس وقت دیگر ممالک پاکستان کو اپنے مقاصد کے لیے امداد کی پیش کش کر رہے تھے۔ یہ امداد ہماری خوداری کو مجروح کرنے والی تھی۔ تب میں نے مضامین لکھنے شروع کیے اور معاشی تجزیہ کے ذریعے موجودہ حالات میں پاکستان کی پوزیشن کو واضح کرنے کی کوشش کی کیونکہ جب تک اصل بیماری کی تشخیص نہ ہو تب تک اس کا علاج ممکن نہیں۔

یہ بھی پڑھیں: اسلام آباد ایئرپورٹ پر مسافر کے پیٹ سے کوکین، مختلف آپریشنز میں کروڑوں کی منشیات برآمد

معاشی اور سماجی چیلنجز

”ایشیاء غربت کے کلچر میں قید ہے“ اور اس کی وجہ یہ ہے کہ جاگیرداری مزاج تبدیل نہیں ہوتا۔ کارل مارکس نے برصغیر کے بارے میں لکھا کہ یہ علاقہ آخری علاقہ ہوگا جہاں معاشی انقلاب یا تبدیلی آئے گی۔ 5000 ہزار سال سے بھارت پر باہر کے حملہ آور حکومت کرتے رہے ہیں، جس کی وجہ سے آقا اور غلام کا فلسفہ نفسیات میں راسخ ہو چکا ہے۔

یہ بھی پڑھیں: ہر طرف سناٹا چھایا ہوا تھا، ٹریفک بھی نہ ہونے کے برابر تھی، کبھی کبھار کسی بھاگتے ہوئے گھوڑے کی ٹاپوں کی آواز سنائی دے جاتی تھی، سارا شہر سو رہا تھا.

تبدیلی کی ضرورت

حضرت محمد صلی اللہ علیہ وآلہ وسلم نے انسانی مساوات کا درس دیا۔ یہ بات یقینی ہے کہ مغرب برصغیر میں اس تبدیلی کو کامیاب ہوتے ہوئے نہیں دیکھ سکتا۔ اس سلسلے میں برصغیر میں اقبال وہ واحد شاعر تھے جنہوں نے پیغمبرانہ سوچ کا مظاہرہ کیا۔ امید ہمیشہ ایک بڑی سوچ کے ساتھ جڑی ہوتی ہے اور اگر ایسا ہو تو تبدیلی کا آغاز ہو سکتا ہے۔

یہ بھی پڑھیں: مولانا فضل الرحمٰن شادی کو بلوغت سے جوڑتے ہیں جبکہ اسلام اور آئین انصاف، تحفظ اور انسانی وقار پر زور دیتے ہیں: شرمیلا فاروقی

عوام کی تبدیلی

ماؤ نے کہا تھا کہ طاقت بندوق کی نالی سے پیدا ہوتی ہے اور انقلاب کوئی پکنک نہیں ہوتی۔ عوامی تبدیلی صرف مارکیٹ اکانومی میں تبدیلی سے آسکتی ہے۔ آج وال سٹریٹ پر کس نے قبضہ کر رکھا ہے؟ یہ مسلمان نہیں بلکہ مغرب کا تعلیم یافتہ طبقہ اس انقلاب کی سعی کر رہا ہے۔ اب دنیا بھر میں یہ احساس پیدا ہو رہا ہے کہ تبدیلی ضرور لائیں۔

یہ بھی پڑھیں: پختہ اطلاعات ہیں بھارت 36 گھنٹوں میں کارروائی کا ارادہ رکھتا ہے، اگر ایسا ہوا تو بھر پور جواب دیاجائے گا: عطاتارڑ

پاکستان کے دو پہلو

پاکستان میں دو پہلو ہیں: بیرونی اور اندرونی۔ بیرونی طاقتیں پاکستان میں معاشی خوش حالی کا راستہ روک رہی ہیں اور اندرونی طاقتیں ناجائز حربوں سے بغیر محنت کے سرمایہ جمع کرنے میں سرگرم ہیں۔

یہ بھی پڑھیں: رجسٹرار سپریم کورٹ نے اسلام آباد ہائی کورٹ ججز کی درخواستیں اعتراض لگا کر واپس کردیں

غربت کی حالت

بھٹو نے روٹی کپڑا مکان کا نعرہ لگایا تھا۔ اسی لیے عملی طور پر وہ یہ تبدیلی لانے میں ناکام رہا۔ جب تک غربت کا شیطانی چکر موجود رہے گا اور عوام کی زندگی مشکل تر ہوتی جائے گی۔

یہ بھی پڑھیں: اگر پی ٹی آئی سے ملاقات نہیں ہونے دی گئی تو آئی ایم ایف کی شرائط پر ہم ساتھ نہیں دیں گے، علی امین گنڈا پور

اسلام اور انسانی عزت

اسلام نے بھی غریب آدمی کو عزت بخشی، جس کی بہترین مثال بلال حبشیؓ ہیں اور بہت سے دوسرے صحابی ہیں جو عام آدمی تھے لیکن انسانیت کے لیے مثال بن گئے۔ خانہ کعبہ کی عمارت برابری کی زبردست مثال ہے۔ یہ سرمایہ داری کی مثلث کو توڑنے کا سمبل ہے۔

آگے بڑھنے کے لیے اقدامات

پاکستان کو طاقتور بنانے اور غلامی سے نکالنے کے لیے ضروری ہے کہ آئیڈیل ذہنیت والے سیاست دانوں کو منتخب کریں اور روایتی سیاست دانوں کی اولادوں کو مسترد کر دیں۔ نیز عوام سیاستدانوں پر اپنی گرفت مضبوط کریں۔ میرا ایجنڈا یہ ہے کہ Non ایشوز میں سے ایشوز کو علیٰحدہ کریں۔ پاکستان مغرب کے لیے Crystal Ball ہے، اسے بچانا ہمارا فرض ہے۔

(جاری ہے)

نوٹ: یہ کتاب ”بک ہوم“ نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔