پاکستان کا قرضہ کم ہو کر جی ڈی پی کے 70 فیصد پر آگیا: وزیر خزانہ

پاکستان کی معاشی صورتحال میں بہتری

اسلام آباد (ڈیلی پاکستان آن لائن) وزیرِ خزانہ محمد اورنگزیب کا کہنا ہے کہ پاکستان کا قرضہ جی ڈی پی کے 74 سے کم ہو کر 70 فیصد پر آگیا ہے، حکومتی قرضوں کی مدت بڑھا کر ادائیگی کا دباؤ کم کیا گیا ہے۔

یہ بھی پڑھیں: آئین کے آرٹیکل 8/3 میں کیا ہے؟ کیا سویلینز اس کے زمرے میں آتے ہیں؟ جسٹس مسرت ہلالی کا استفسار

سعودی عرب میں العُلا کانفرنس

نجی ٹی وی چینل سماء نیوز کے مطابق وزیرِ خزانہ محمد اورنگزیب نے سعودی عرب کی العُلا کانفرنس سے خطاب کرتے ہوئے پاکستان کی بہتر ہوتی معاشی صورتحال پر روشنی ڈالی۔ انہوں نے کہا کہ بلند عالمی قرضے ترقی پذیر ممالک پر دباؤ ڈال رہے ہیں۔

یہ بھی پڑھیں: بھارتی صحافی ارناب گوسوامی کو بڑا جھٹکا، جھوٹی خبریں چلانا بہت مہنگا پڑ گیا

معاشی اصلاحات اور نتائج

انہوں نے مزید کہا کہ پاکستان نے معاشی استحکام کیلئے سخت مگر ضروری اصلاحات کیں، پاکستان کا قرضہ جی ڈی پی کے 74 سے کم ہو کر 70 فیصد پر آگیا، حکومتی قرضوں کی مدت بڑھا کر ادائیگی کا دباؤ کم کیا گیا ہے، بیرونی قرضے جی ڈی پی کے تناسب سے مستحکم رہے ہیں۔

قرضوں کی پائیداری کا نظام

وزیر خزانہ نے یہ بھی کہا کہ قرضوں پر سود کی لاگت میں نمایاں کمی آئی ہے، پاکستان میں قرضوں کی پائیداری کا شفاف نظام نافذ کیا گیا ہے۔ اصلاحات کے باعث ٹیکس ٹو جی ڈی پی شرح تقریباً 12 فیصد ہوگئی، گرین سکوک اور پائیدار فنانسنگ فریم ورک متعارف کرایا گیا ہے۔ قرضوں کے مسائل کا حل بروقت اقدامات، شفافیت اور مضبوط پالیسیوں میں ہے۔