پشاور میں چوہوں کی بڑھتی تعداد کے خلاف ہائیکورٹ میں درخواست دائر

پشاور میں چوہوں کی بڑھتی تعداد

پشاور(ڈیلی پاکستان آن لائن) پشاور کے کئی علاقوں میں چوہوں کی بڑھتی تعداد کے خلاف ہائیکورٹ میں درخواست دائر کردی گئی ہے۔

یہ بھی پڑھیں: موت کے قریب شخص میں ظاہر ہونے والی خوفناک نشانیاں کیا ہیں؟ لازمی جانئے

علاقائی شہریوں کی درخواست

نجی ٹی وی چینل ایکسپریس نیوز کے مطابق یہ درخواست ورسک روڈ، چارسدہ روڈ، بشیر آباد اور دیگر علاقوں کے شہریوں کی جانب سے دائر کی گئی ہے۔

یہ بھی پڑھیں: مجرموں اور جرائم کے خلاف زیرو ٹالرنس وژن، سرگودھا میں بیٹ سسٹم کا جدید ترین نظام نافذ، جرائم کی شرح میں 75 فیصد تک کمی

صفائی اور سیوریج کے مسائل

درخواست میں کہا گیا ہے کہ شہر میں صفائی کی ناقص صورتحال کی وجہ سے چوہوں کی تعداد میں اضافہ ہوگیا ہے۔ چوہوں کی تعداد میں اضافے کے باعث شہریوں کو مشکلات کا سامنا ہے۔

مزید برآں، ناقص سیوریج انتظامات کی وجہ سے چوہوں کی افزائش ہورہی ہے۔ حکومت اور انتظامیہ کو لوگوں نے کئی بار اس مسئلے کے حوالے سے رابطہ کیا، لیکن کوئی شنوائی نہیں ہوئی۔

یہ بھی پڑھیں: حوالدار لالک جان شہید کی جرأت اوربہادری قوم کا فخر ہے: وزیر اعلیٰ پنجاب

ماضی کے تجربات

2016 میں بھی یہ مسئلہ پیدا ہوگیا تھا جب چوہوں کے انسانوں کو کاٹنے کے واقعات میں بے حد اضافہ ہوگیا تھا۔

مزید کہا گیا کہ صرف لیڈی ریڈنگ ہسپتال میں 423 ایسے کیسز رپورٹ ہوئے تھے جن میں چوہوں نے انسانوں کو کاٹا تھا۔

حکومتی اقدامات کی اہمیت

درخواست میں کہا گیا ہے کہ 2016 میں پشاور انتظامیہ نے سکیم شروع کی تھی جس میں چوہوں کے مارنے پر پیسے دیئے جاتے تھے۔ حکومت شہر میں چوہوں کے خلاف اقدامات کریں، تاکہ یہ مسئلہ مزید سنگین نہ ہوجائے۔

درخواست میں صوبائی حکومت، محکمہ صحت، ڈی سی، چیف ایگزیکٹو ڈبلیو ایس ایس پی اور دیگر کو فریق بنایا گیا ہے۔