لاہور میں خاتون کو ہراساں کرنے والے رکشہ ڈرائیور کے نیفے میں پستول چل گیا

ہراساں کرنے کا واقعہ

لاہور (ڈیلی پاکستان آن لائن) خاتون کو ہراساں کرنے والے رکشہ ڈرائیور کے نیفے میں پستول چل گیا۔

یہ بھی پڑھیں: عید پر ریلوے کا بڑا اقدام، پانچ سپیشل ٹرینیں چلانے کا فیصلہ

پولیس کاروائی

ترجمان سیف سٹی کے مطابق خاتون کے ساتھ ہراسگی کی شکایت پبلک سیفٹی ایپ پر موصول ہوئی۔ سیف سٹی ٹیم نے جدید کیمروں کی مدد سے 30 منٹ میں رکشے کو ٹریس کر لیا۔ سیف سٹی کیمرا فوٹیج کی بنیاد پر ملزم کو گرفتار کر کے مقدمہ درج کر لیا گیا۔

ملزم کا بیان

سی سی ڈی کی جانب سے ملزم کا ویڈیو بیان بھی جاری کیا گیا ہے جس میں ملزم نے بتایا کہ وہ رکشے میں اکثر خواتین کو ہراساں اور نازیبا حرکات کرتا تھا۔ حالیہ واقعے کے بعد سی سی ڈی اسے پکڑنے آئی تو اس نے فرار ہونے کی کوشش کی۔ وہ اس دوران دیوار پھلانگ رہا تھا اور اس کے نیفے میں لگی ہوئی پستول اچانک چل گئی۔ ملزم نے اپنے بیان میں مزید کہا کہ جو چیز اسے زیادہ تنگ کرتی تھی وہ اب ٹھنڈی ہوگئی ہے۔