میرے والد اور میری والدہ کی بیماری کا مذاق بنایا گیا: مریم نواز

وزیراعلیٰ پنجاب مریم نواز کا بیان

گجرات (ڈیلی پاکستان آن لائن) وزیراعلیٰ پنجاب مریم نواز کا کہنا ہے کہ میرے والد اور میری والدہ کی بیماری کا مذاق بنایا گیا اور کہا گیا وہ بیمار ہی نہیں ہیں یہ سب ڈرامہ ہے۔

یہ بھی پڑھیں: ملک بھر میں سونے کی قیمت میں زبردست کمی

تقریب میں خطاب

گجرات یونیورسٹی میں تقریب سے خطاب کرتے ہوئے وزیراعلیٰ پنجاب مریم نواز نے کہا کہ جب میرے والد جیل میں تھے تو ان کی عمر 71 یا 72 سال تھی۔ ان کو بیماری کی حالت میں جیل میں رکھا گیا۔

یہ بھی پڑھیں: چیف آف ڈیفنس سٹاف کا عہدہ قائم کیا جائے جس کے ماتحت تمام مسلح افواج ہوں، اشتر اوصاف

بیماری کا مذاق

انہوں نے مزید کہا کہ میرے والد کو بار بار دل کے دورے پڑے، ان کے پلیٹ لیٹس بھی کم ہو گئے، ان کی بیماری کا اتنا مذاق بنایا گیا۔

یہ بھی پڑھیں: سوشل میڈیا پر کل یوم تشکر پر تعطیل کی خبر؛ سرکاری وضاحت سامنے آگئی

خاندانی مسائل کا تذکرہ

وزیراعلیٰ مریم نواز نے تنقید کرتے ہوئے کہا کہ میں بھی جیل میں تھی میرے والد بھی جیل میں تھے تو میری والدہ کو کینسر ہو گیا، ان کا لندن میں علاج ہو رہا تھا تو یہ کہتے تھے سب ڈرامہ ہے۔ میری والدہ وینٹیلیٹر پر تھیں تو یہ لوگ (پی ٹی آئی والے) ڈاکٹرز کا بھیس بدل کر ICU میں دھوکہ دے کر داخل ہو گئے، صرف یہ دیکھنے کیلئے کہ یہ سچ ہے یا جھوٹ ہے۔

یہ بھی پڑھیں: کلبھوشن یادیو جیسا ایک اور بھارتی اہلکار گرفتار، یہ کہاں سے پکڑا گیا اور اس کا نام کیا ہے؟ بڑا انکشاف

والد کی وفات پر رنج

مریم نواز نے آپ دیدہ ہوتے ہوئے کہا کہ میری والدہ کی جب وفات ہوئی تو میرے والد نواز شریف نے کہا کہ یہاں پر انسان کو اپنی سچائی ثابت کرنے کیلئے مرنا پڑتا ہے۔

غمی کی خبر

انہوں نے مزید کہا کہ میں نے جب اپنی والدہ کی موت کی خبر سنی تب میں جیل میں تھی، میرے والد نے مجھے میرے سیل میں آ کر بتایا کہ تمہاری ماں اللہ کو پیاری ہو گئیں۔