پاک فوج کی خیبرپختونخوا میں 2 کاروائیاں، 4 خواج ہلاک

خیبرپختونخوا میں سیکیورٹی فورسز کی کارروائیاں

راولپنڈی (ڈیلی پاکستان آن لائن) سیکیورٹی فورسز نے خیبرپختونخوا میں 2 الگ الگ کاروائیوں کے دوران 4 خوارج کو ہلاک کردیا۔

آپریشن کی تفصیلات

پاک فوج شعبہ تعلقات عامہ کے مطابق 26 اور 27 اکتوبر کو خیبر پختونخوا میں 2 علیٰحدہ علیٰحدہ کاروائیوں میں سیکیورٹی فورسز نے 4 خوارج کو ہلاک اور 3 کو زخمی کر دیا۔شمالی وزیرستان میں ایک انٹیلی جنس بنیاد پر آپریشن کیا گیا جس کے دوران شدید فائرنگ کے تبادلے میں 2 خوارج  ہلاک ہوگئے، ہلاک ہونے والے 1 خوارج کی شناخت انصاف اللہ کے نام سے ہوئی۔

خیبر ضلع میں مقابلہ

ایک اور مقابلے میں خیبر ضلع میں سیکیورٹی فورسز نے خوارج کے ٹھکانے کو مؤثر انداز میں نشانہ بنایا، جس کے نتیجے میں 2 خوارج ہلاک اور 3 زخمی ہو گئے، ہلاک ہونے والے خوارج سے اسلحہ اور گولہ بارود بھی برآمد کیا گیا۔

خوارج کی دہشت گردانہ سرگرمیاں

آئی ایس پی آر کے مطابق ہلاک ہونے والے خوارج قانون نافذ کرنے والے ادارے اور معصوم شہریوں کے خلاف متعدد دہشت گردانہ سرگرمیوں میں ملوث رہے ہیں۔ علاقے کو کلیئر کرنے کا عمل جاری ہے تاکہ مزید کسی خوارج کو تلاش کر کے ختم کیا جا سکے۔