چیف جسٹس یحییٰ آفریدی کی سربراہی میں فل کورٹ اجلاس کا اعلامیہ
فل کورٹ اجلاس کا اعلامیہ
اسلام آباد (ڈیلی پاکستان آن لائن)چیف جسٹس یحییٰ آفریدی کی سربراہی میں فل کورٹ اجلاس کا اعلامیہ جاری کردیا گیا۔ اجلاس میں سپریم کورٹ کی کارکردگی اور بیک لاگ ختم کرنے پر بات کی گئی۔
یہ بھی پڑھیں: پنجاب حکومت نے مصدقہ معلومات کیلئے ڈی جی پی آر آفس میں کنٹرول روم قائم کر دیا
اجلاس کی تفصیلات
اعلامیہ کے مطابق تمام ججز نے شرکت کی، بیرون ملک موجود جسٹس منصور علی شاہ بذریعہ ویڈیو لنک اجلاس میں شریک ہوئے۔
یہ بھی پڑھیں: آسٹریلیا میں کبھی نہیں جیتے لیکن ہمیشہ ایسا نہیں ہوتا رہے گا، کپتان محمد رضوان کا بیان
کیس مینجمنٹ پلان کی پیشکش
فل کورٹ اعلامیہ میں کہا گیا ہے کہ اجلاس میں سپریم کورٹ کی کارکردگی اور بیک لاگ ختم کرنے پر بات ہوئی، رجسٹرار سپریم کورٹ نے کیس لوڈ اور وقت پر کیسز کے فیصلوں سے متعلق آگاہ کیا۔ کیسز کی تعداد بتائی گئی، جس کے مطابق اس وقت 59 ہزار191 کیسز زیر التوا ہیں۔
اجلاس میں جسٹس منصور علی شاہ کا تیار کردہ کیس مینجمنٹ پلان بھی پیش کیا گیا، جس میں فوجداری اور دیوانی مقدمات تیزی سے نمٹانے کے لیے مخصوص 2 اور 3 رکنی بینچوں کو تفویض کرنے کی تجویز پیش کی گئی۔ ججز نے نظام میں بہتری کے لیے قیمتی تجاویز اور سفارشات پیش کیں۔
یہ بھی پڑھیں: آئینی بینچ نے عام انتخابات 2024 ری شیڈول کرنے کی درخواست خارج کردی
پلان میں شامل معیارات
پلان میں معیارات واضح کرنا، تمام اقسام کے مقدمات کے مؤثر انتظام کے لیے آئی ٹی کا استعمال بھی شامل ہے۔
یہ بھی پڑھیں: چائے کے ہوٹل پر چوری کیلئے آنے والا چور روشن دان میں پھنس کر ہلاک
جسٹس منصور علی شاہ کی تجاویز
جسٹس منصور علی شاہ نے بھی تجاویز دیں، ابتدائی ایک ماہ میں کارکردگی بہتر کی جائے گی، اور اگلے 3 اور 6 ماہ کے منصوبے پر عمل درآمد ہوگا۔
یہ بھی پڑھیں: CAMON 30S: فوٹو گرافی کے غیر معمولی تجربے کیلئے Sony AI کیمرہ کا حامل
چیف جسٹس کا شکریہ اور عزم
اعلامیے کے مطابق چیف جسٹس پاکستان نے تمام ججز کا شکریہ ادا کیا اور کیس مینجمنٹ پلان کے مکمل نفاذ کے عزم کا اظہار کیا۔
اگلے اجلاس کی تاریخ
پیشرفت کا جائزہ اگلے فل کورٹ اجلاس میں لیا جائے گا جو 2 دسمبر 2024 کو منعقد ہوگا۔
