چیف جسٹس یحییٰ آفریدی کی سربراہی میں فل کورٹ اجلاس کا اعلامیہ

فل کورٹ اجلاس کا اعلامیہ

اسلام آباد (ڈیلی پاکستان آن لائن)چیف جسٹس یحییٰ آفریدی کی سربراہی میں فل کورٹ اجلاس کا اعلامیہ جاری کردیا گیا۔ اجلاس میں سپریم کورٹ کی کارکردگی اور بیک لاگ ختم کرنے پر بات کی گئی۔

یہ بھی پڑھیں: 20 کلو آٹے کا تھیلا 400 روپے مہنگا

اجلاس کی تفصیلات

اعلامیہ کے مطابق تمام ججز نے شرکت کی، بیرون ملک موجود جسٹس منصور علی شاہ بذریعہ ویڈیو لنک اجلاس میں شریک ہوئے۔

یہ بھی پڑھیں: اڈیالہ جیل میں قید عمران خان ایک بار پھر عید کی نماز ادا نہ کرسکے کیونکہ ۔ ۔ ۔

کیس مینجمنٹ پلان کی پیشکش

فل کورٹ اعلامیہ میں کہا گیا ہے کہ اجلاس میں سپریم کورٹ کی کارکردگی اور بیک لاگ ختم کرنے پر بات ہوئی، رجسٹرار سپریم کورٹ نے کیس لوڈ اور وقت پر کیسز کے فیصلوں سے متعلق آگاہ کیا۔ کیسز کی تعداد بتائی گئی، جس کے مطابق اس وقت 59 ہزار191 کیسز زیر التوا ہیں۔

اجلاس میں جسٹس منصور علی شاہ کا تیار کردہ کیس مینجمنٹ پلان بھی پیش کیا گیا، جس میں فوجداری اور دیوانی مقدمات تیزی سے نمٹانے کے لیے مخصوص 2 اور 3 رکنی بینچوں کو تفویض کرنے کی تجویز پیش کی گئی۔ ججز نے نظام میں بہتری کے لیے قیمتی تجاویز اور سفارشات پیش کیں۔