پاکستان کے کلچر کو دنیا کے کونے کونے میں پہنچائیں گے،عظیم ڈار نے اپنے پروڈکشن ہاؤس کا آغاز کردیا

عظیم ڈار کا پروڈکشن ہاؤس: آغاز اور مقصد

لاہور (ڈیلی پاکستان آن لائن) بین الاقوامی شہرت یافتہ پاکستانی گلوکار عظیم ڈار نے لاہور میں اپنے پروڈکشن ہاؤس کا آغاز کردیا۔ افتتاحی تقریب میں شوبز اور مختلف شعبہ ہائے زندگی سے تعلق رکھنے والے افراد نے شرکت کی۔

یہ بھی پڑھیں: محکمہ داخلہ نے پنجاب ای انوینٹری مینجمنٹ سسٹم متعارف کروا دیا

بین الاقوامی تجربہ اور نیا عزم

دبئی میں رہائش پذیر پاکستانی آرٹسٹ عظیم ڈار نے میڈیا سے گفتگو کرتے ہوئے کہا کہ "پاکستان سے باہر بہت کام کیا، اب پاکستان کی خدمت کرنا چاہتا ہوں۔" انہوں نے مزید کہا کہ نئے ٹیلنٹ کو پروموٹ کرنا ہمارا مقصد ہوگا۔

یہ بھی پڑھیں: مولانا فضل الرحمان نے حکومت کو اے پی سی میں شرکت کی یقین دہانی کرائی

پاکستانی کلچر کی تشہیر

عظیم ڈار نے یہ بھی بتایا کہ وہ "پاکستان کے کلچر کو دنیا کے کونے کونے میں پہنچائیں گے"۔ اس کے ساتھ ہی انہوں نے دبئی میں کامیڈین، سنگرز اور آرٹسٹ کا ایک دوستانہ میچ کروانے کا بھی عزم ظاہر کیا۔

یہ بھی پڑھیں: لاہور اور ملتان میں تمام کالجز اور یونیورسٹیز بھی بند کردی گئیں ، سموگ کے باعث پابندیوں کا نوٹیفکیشن جاری

گلوبل پرفارمنس اور سپورٹ

انہوں نے یہ بھی کہا کہ "پاکستانی پاسپورٹ پر اب تک 145 ممالک گھوم چکا ہوں" اور جو لوگ بیرون ممالک پرفارم کرنا چاہتے ہیں، انہیں ان کی کمپنی سپورٹ فراہم کرے گی۔

یہ بھی پڑھیں: بیرون ملک مقیم پاکستانیوں نے 4ماہ میں 11.84ارب ڈالر پاکستان بھیجے، سٹیٹ بینک

حکومت کی سرپرستی کی ضرورت

عظیم ڈار نے حکومت سے درخواست کی کہ اگر وہ فنکاروں کی سرپرستی کریں تو پاکستانی فنکار اپنی خداداد صلاحیتوں کے باعث دنیا بھر میں اپنا اور ملک کا نام پیدا کر سکتے ہیں۔

یہ بھی پڑھیں: علی امین گنڈا پور کے گھر کے قریب ایف سی کی گاڑی پر بم حملہ

نوجوانوں کے لیے پیغام

انہوں نے نوجوانوں کے لیے پیغام دیا کہ "زندگی ایک بار ملتی ہے، ہم سب اس کی قدر کریں، امید کا دامن ہرگز نہ چھوڑیں" اور اپنی صلاحیتوں سے دنیا بھر میں نام روشن کریں۔

فنکاروں کی اہمیت اور سالگرہ کی تقریب

عظیم ڈار نے فنکاروں کو ملک کا قیمتی اثاثہ قرار دیا اور کہا کہ "فنکار اپنی پوری زندگی ملک و قوم کی خدمت میں گزار دیتے ہیں، لیکن انہیں جائز مقام اور قدر نہیں کی جاتی"۔ افتتاحی تقریب کے اختتام پر، گلوکار نے اپنی سالگرہ کا کیک بھی کاٹا۔