خیبر پختونخوا میں گورنر راج کی خبروں پر علی امین گنڈا پور کا رد عمل

وزیراعلیٰ خیبر پختونخوا کا خطاب

پشاور(ڈیلی پاکستان آن لائن) وزیراعلیٰ خیبر پختونخوا علی امین گنڈاپور نے کہا ہے کہ ایک پرامن جماعت پرامن طریقے سے اپنے لیڈر کی رہائی کے لئے نکلتی ہے، لیکن پر امن احتجاج کے شرکاء پر گولیاں برسانا شروع کر دیا جاتا ہے۔

یہ بھی پڑھیں: وزیر اعلیٰ پنجاب مریم نوازنے مری گلاس ٹرین منصوبے کی تفصیلات شیئر کردیں

گورنر راج کا چیلنج

پشاور میں صوبائی اسمبلی سے خطاب کرتے ہوئے علی امین گنڈاپور نے کہا کہ اگر گورنر راج لگانا ہے تو لگاؤ، کیا ہمارا خون سفید ہے، دہشت گردی کا مقابلہ ہم کریں گے۔ گورنر ہاؤس سے ڈراتے ہو، چیلنج دیتا ہوں کہ لگا دو گورنر راج۔

یہ بھی پڑھیں: چیمپئنز ٹرافی 2025 ہائی برڈ ماڈل کے تحت ہوگی، بھارتی میڈیا کا دعویٰ

تقریر کے دوران مشکلات

تقریر کے دوران وزیراعلیٰ کا مائیک بند ہوا۔ انھوں نے کہا کہ ریڈ زون اور ڈی چوک کے ڈرامے نہ دکھائیں۔ ہم پر گولیاں بھی چلائی گئیں ہیں۔ جو ملے ہوئے ہیں وہ ہر جگہ ہر قسم کی سازش کر رہے ہیں، ہم کرسیوں والے نہیں ہیں۔

یہ بھی پڑھیں: قومی اسمبلی میں 2آرڈیننس،7بلز اورقائمہ کمیٹی خزانہ کی رپورٹ پیش کردی گئی

قاتلانہ حملوں کی تفصیلات

وزیراعلیٰ نے کہا کہ اسلام آباد کے چوکوں پر مجھ پر فائر کیے گئے تھے، بانی پی ٹی آئی نے حکم دیا کہ ڈی چوک پہنچیں۔ انھوں نے کہا کہ ہم پر براہ راست کئی بار قاتلانہ حملے ہوئے، چائنا چوک اور ڈی چوک میں فائرنگ کی گئی۔

انقلاب کی ضرورت

علی امین گنڈاپور نے کہا کہ اپنی نسلوں کو محفوظ کرنے کے لیے ہمیں انقلاب لانا ہوگا، اور ہمیں بانی پی ٹی آئی کی رہائی جلد از جلد چاہیے۔