عارف علوی کی تین مقدمات میں 20 دن کیلئے حفاظتی ضمانت منظور

سندھ ہائیکورٹ کا فیصلہ

کراچی (ڈیلی پاکستان آن لائن) سندھ ہائیکورٹ نے سابق صدر ڈاکٹر عارف علوی کی تین مقدمات میں 20 دن کیلئے حفاظتی ضمانت منظور کر لی۔

یہ بھی پڑھیں: میں یقین سے کہہ سکتا ہوں کہ نمائندے، چاہے کسی بھی جماعت سے منتخب ہوں، سوچ اور مفادات سب کے ایک جیسے ہیں، تبادلے کا دکھ تھا مگر چلے جانا ہی بہتر تھا۔

مچلکے کی تفصیلات

عدالت نے عارف علوی کو 50 ہزار روپے کے مچلکے جمع کرانے کا حکم بھی دیا۔ درخواست گزار کے وکیل نے کہا کہ پُرامن احتجاج کے باوجود دہشتگردی ایکٹ سمیت سنگین دفعات کے تحت میانوالی، ٹیکسلا اور راولپنڈی میں مقدمات درج کیے گئے۔

یہ بھی پڑھیں: خوراک کیلئے ترستی فلسطینی خاتون بچوں کو کچھوے پکا کر کھلانے پر مجبور

سیاسی دباؤ اور حفاظتی ضمانت کی درخواست

وکیل نے کہا کہ عارف علوی کے خلاف مقدمات کے اندراج کا مقصد سیاسی دباؤ میں لانا ہے۔ متعلقہ عدالتوں سے رجوع کرنے کیلئے 20 دن کیلئے حفاظتی ضمانت دی جائے تاکہ متعلقہ عدالتوں سے رجوع کر سکیں۔

کیس کی مزید سماعت

عدالت نے ضمانت منظور کرتے ہوئے کہا کہ کیس کی مزید سماعت کیلئے معاملہ آئینی بینچ کو بھیجا جا رہا ہے۔ مقدمات کی تفصیلات سمیت دیگر معاملات آئینی بینچ دیکھے گا۔