الیکشن کمیشن کو کے پی سینیٹ الیکشن کیس میں جواب جمع کرانے کیلئے آخری مہلت

پشاور ہائیکورٹ کی مداخلت

پشاور(ڈیلی پاکستان آن لائن) پشاور ہائیکورٹ نے الیکشن کمیشن کو خیبر پختون خوا میں سینیٹ الیکشن کرانے کے سلسلے میں جواب جمع کرانے کے لیے آخری مہلت دے دی۔

یہ بھی پڑھیں: پاکستان کرکٹ ٹیم نے ٹی ٹوئنٹی میں منفرد اعزاز اپنے نام کرلیا

درخواست کی سماعت

نجی ٹی وی چینل ایکسپریس نیوز کے مطابق، پشاور ہائیکورٹ میں خیبرپختونخوا میں سینیٹ انتخابات کے انعقاد کے سلسلے میں پی ٹی آئی رہنما اعظم سواتی کی درخواست پر سماعت ہوئی۔ درخواست گزار کے وکیل نے کہا کہ سینیٹ الیکشن منعقد کیا جائے، صوبے کی 11 سیٹیں خالی ہیں اور نمائندگی نہیں ہے۔

یہ بھی پڑھیں: بھارت کا حملہ بزدلی ہے، پاکستان امن کا خواہاں ہے: طارق فاطمی

چیف جسٹس کا بیان

چیف جسٹس اشتیاق ابراہیم نے پوچھا کہ الیکشن کمیشن کا اجلاس کب ہے، وہ فیصلہ کرے کہ کب الیکشن کروانا ہے۔

یہ بھی پڑھیں: پیپلز پارٹی بجٹ سے پہلے کینالز کا منصوبہ مسترد کروائے گی، وزیراعلیٰ سندھ

الیکشن کمیشن کا مؤقف

سپیشل سیکرٹری الیکشن کمیشن نے مؤقف اختیار کیا کہ ہمیں وقت دیا جائے، الیکشن کمیشن میں اس حوالے سے اجلاس ہونا ہے، ہم جواب جمع کرائیں گے۔ چیف جسٹس نے کہا کہ سینیٹ میں ہمارے صوبے کی نمائندگی نہیں ہے۔

یہ بھی پڑھیں: پاک بھارت کشیدگی کے بعد دہلی میں مسلمان پروفیسر کو سوشل میڈیا پوسٹ پر گرفتار کرلیا گیا

نئی ہدایت

سپیشل سیکرٹری نے جواب دیا کہ آدھی نمائندگی ہے، جبکہ آدھی سیٹیں خالی ہیں۔ چیف جسٹس اشتیاق ابراہیم نے حکم دیا کہ آخری موقع دیا جائے اور آئندہ سماعت پر بتائیں کہ الیکشن کمیشن اجلاس میں کیا فیصلہ ہوا۔ عدالت نے 24 دسمبر تک جواب جمع کرانے کا حکم دیتے ہوئے مزید ملتوی نہ کرنے کا اعلان کیا۔

عدالت کی سماعت کی تاریخ

عدالت نے سماعت 24 دسمبر تک ملتوی کردی۔