خیبرپختونخوا میں یونیورسٹی چانسلر کی تعیناتی کے اختیارات وزیراعلیٰ کے سپرد کر دیئے گئے

پشاور میں اہم پیشرفت

پشاور (ڈیلی پاکستان آن لائن) خیبرپختونخوا اسمبلی نے جامعات ترمیمی بل 2024 کی منظوری دے دی ہے۔ اس بل کے تحت گورنر کے پی سے یونیورسٹی کے چانسلر کی تعیناتی کے اختیارات لیکر وزیراعلیٰ کے سپرد کر دیئے گئے ہیں۔

یہ بھی پڑھیں: سینکڑوں آئل ٹینکر ایرانی بندرگاہ سے غائب

ترمیمی بل کی تفصیلات

نجی ٹی وی چینل دنیا نیوز کے مطابق، اس ترمیمی بل کے تحت جامعات میں وائس چانسلر کی تقرری کا اختیار وزیراعلیٰ کو تفویض کیا گیا ہے۔ اکیڈیمک سرچ کمیٹی وائس چانسلر کیلئے 3 نام تجویز کرے گی۔ وزیراعلیٰ تجویز کردہ ناموں میں سے کسی ایک کو وائس چانسلر کے طور پر تعینات کریں گے۔

کارکردگی کا جائزہ

تعیناتی کے 2 سال بعد وائس چانسلر کی کارکردگی کا جائزہ لیا جائے گا۔ اگر کارکردگی کی رپورٹ غیر تسلی بخش ہوئی تو وائس چانسلر کا دورانیہ ختم کیا جا سکتا ہے۔