پاکستان میں خوشحالی کے نئے دور کا آغاز

مہنگائی پر قابو پانے کے اقدامات

سابقہ حکومت کی پالیسیوں کی وجہ سے ملک بھر کے عوام ایک لمبے عرصے سے مہنگائی کی چکی میں پس رہے تھے۔ وزیر اعظم شہباز شریف کی قیادت میں حکومت کی طرف سے عوامی خدمت کے ریکارڈ اقدامات اٹھائے گئے ہیں جن سے عوام بھرپور مستفید بھی ہو رہے ہیں۔ اس امر میں کوئی شک نہیں کہ بجلی کی قیمتوں میں ایک بڑا ریلیف دے کر وزیراعظم نے مہنگائی سے متاثرہ عوام کے زخموں پر ایک طرح سے مرہم رکھا ہے۔

یہ بھی پڑھیں: نہروں کا معاملہ: کراچی بار کی سٹی کورٹ میں ہڑتال، داخلی دروازے بند ، عدالتی کارروائی معطل

بجلی کی قیمتوں میں کمی کی کوششیں

اس وقت عالمی منڈی میں پٹرولیم مصنوعات کی قیمتوں میں جو مسلسل کمی ہو رہی ہے، اس کا فائدہ عوام تک منتقل کیا جانا چاہیے اور آئی پی پیز کے ساتھ کیے گئے ناجائز معاہدے ختم کر کے بجلی کی قیمتوں میں بھی واضح کمی لائی جانی چاہیے۔ دوسری طرف وزیراعظم میاں شہباز شریف نے یہ واضح کیا ہے کہ عالمی منڈی میں پٹرولیم مصنوعات کے نرخ کم ہونے پر ایک بار پھر پٹرول کے بجائے بجلی سستی کریں گے۔

یہ بھی پڑھیں: پی اے سی ارکان کارکن ثنا اللہ خان مستی خیل کے خلاف کارروائیوں پر شدید احتجاج، اجلاس منعقد کرنے سے انکار

معدنیات کے شعبے میں سرمایہ کاری

منرلز انویسٹمنٹ فورم سے خطاب میں وزیراعظم نے واضح کیا کہ ہمارے پاس کھربوں ڈالرز کے معدنی ذخائر ہیں جن سے استفادہ کر کے قرضوں کے پہاڑ سے نجات حاصل کی جاسکتی ہے۔ بلوچستان کے پہاڑوں سے لے کر خیبر پختونخوا کے برف سے ڈھکے پہاڑوں اور آزاد کشمیر و گلگت بلتستان تک پورا پاکستان زیرِ زمین معدنیات کے خزانوں سے مالا مال ہے۔

یہ بھی پڑھیں: آئندہ برس سونے کی قیمت کہاں پہنچے گی؟ امارات کے ماہرین کی بڑی پیشگوئی

ریکوڈک منصوبہ اور پاکستان کی ترقی

وزیراعظم میاں شہباز شریف نے درست کہا کہ پاکستان کے میدان زرخیز، عوام بہادر اور چیلنج قبول کرنے والے ہیں۔ ریکوڈک منصوبہ پاکستان کی ترقی اور خوشحالی کا بہترین منصوبہ رہا ہے۔ نا تجربہ کاری کے باعث ہم چھ ارب ڈالر کا جرمانہ کروا بیٹھے، مگر اب وہی ریکوڈک پاکستان کے مفاد کے لیے بہتر منصوبہ ثابت ہو رہا ہے۔

یہ بھی پڑھیں: جے یو آئی، جماعت اسلامی اتحاد سے حکومت کو خطرہ؟ سپیکر ملک محمد احمد خان نے تبصرہ کر دیا

سرمایہ کاروں کو تحفظ فراہم کرنا

اندرونی اور بیرونی سرمایہ کاروں کے کچھ تحفظات رہے ہیں، جن میں سر فہرست اعتماد کا فقدان ہے۔ پاک فوج کے سربراہ جنرل عاصم منیر نے سرمایہ کاروں کو یقین دلایا ہے کہ انہیں اور ان کے سرمائے کو بھرپور تحفظ فراہم کیا جائے گا۔ حالیہ دنوں چاغی میں نئے ذخائر دریافت ہوئے ہیں، جس سے پاکستان کے قدرتی وسائل کی اہمیت اور بھی بڑھ گئی ہے۔

اپوزیشن کی سیاست

بدقسمتی سے ہماری اپوزیشن کے پاس اس وقت سیاسی میدان میں سیاست برائے مخالفت کے کوئی کام نہیں ہے۔ سیاسی رہنما صرف اپنے سیاسی اور ذاتی مفاد کو ترجیح دے رہے ہیں۔ جبکہ وزیر اعظم میاں شہباز شریف کی حکومت کا کوئی بھی مالی سکینڈل سامنے نہیں آیا جو کہ ملکی معیشت کے لیے انتہائی حوصلہ افزا امر ہے۔

نوٹ: یہ مصنف کا ذاتی نقطہ نظر ہے جس سے ادارے کا متفق ہونا ضروری نہیں۔