بھارت نے سندھ طاس معاہدے کی معطلی سے متعلق پاکستان کو تحریری طور پر آگاہ کردیا

بھارتی وزارتِ آبی وسائل کا پیغام

نئی دہلی/اسلام آباد (ڈیلی پاکستان آن لائن) بھارت نے سندھ طاس معاہدے کی معطلی سے متعلق پاکستان کو تحریری طور پر آگا ہ کردیا۔ بھارتی وزارتِ آبی وسائل کی سیکرٹری دیباشری مکھرجی نے پاکستانی ہم منصب سید علی مرتضیٰ کو ایک باضابطہ خط لکھ کر آگاہ کیا کہ بھارت نے فوری طور پر سندھ طاس معاہدے کو معطل کرنے کا فیصلہ کیا ہے۔

یہ بھی پڑھیں: آخری مرحلے کے کینسر کے علاج میں دیسی غذا کی اہمیت: سدھو کے دعووں پر ڈاکٹروں کی عدم اتفاقی کی وجوہات کیا ہیں؟

معاہدے کا جائزہ لینے کی ضرورت

خط کے متن کے مطابق معاہدے کے نفاذ کے بعد خطے میں آبادیاتی تبدیلیوں، صاف توانائی کی ترقی کی ضروریات اور پانی کی تقسیم سے متعلق بنیادی تبدیلیوں کی وجہ سے معاہدے کا ازسرِ نو جائزہ لینا ضروری ہو گیا تھا۔

یہ بھی پڑھیں: عادل بازئی نے بجٹ میں ووٹ دیا نہ آئینی ترمیم میں، پارٹی پالیسی سے انحراف پر نااہل کیا جائے، وکیل الیکشن کمیشن

پاکستان پر الزامات

خط میں الزام لگا یا گیا کہ پاکستان کی جانب سے مسلسل سرحد پار دہشت گردی کی حمایت اور سندھ طاس معاہدے میں مذاکرات سے انکار نے صورتحال کو مزید خراب کیا جس کے نتیجے میں بھارت نے اپنے تمام آبی حقوق کے مکمل استعمال کا فیصلہ کیا ہے۔

بھارت کے قومی مفاد کی حفاظت

خط میں یہ بھی کہا گیا ہے کہ معاہدوں کو نیک نیتی سے نبھانا ضروری ہوتا ہے، لیکن موجودہ حالات میں سندھ طاس معاہدے کو معطل کرنا بھارت کے قومی مفاد میں ناگزیر ہو گیا ہے۔

ؒ